ദുബായിൽ വിനോദസഞ്ചാരികളുടെ എണ്ണത്തിൽ 214 ശതമാനം വർദ്ധനവ് രേഖപ്പെടുത്തി: ശൈഖ് ഹംദാൻ

ദുബായ്: ദുബായിൽ വിനോദസഞ്ചാരികളുടെ എണ്ണത്തിൽ 214 ശതമാനം വർദ്ധനവ് രേഖപ്പെടുത്തിയതായി ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്.

Read Also: ‘ഇത്തരം ഫെമിനിച്ചികളെ പൊക്കി കൊണ്ട് നടക്കാൻ വല്ലാത്ത ത്വരയും ഉശിരുമാണല്ലോ, കാമുകൻ സംവിധായകനാണ് പോലും’: സംഗീത ലക്ഷ്മണ

കോവിഡ് വൈറസ് വ്യാപനത്തെ കൈകാര്യം ചെയ്ത രീതി കാരണം വിനോദ സഞ്ചാരികൾക്കിടയിൽ ദുബായ് അങ്ങേയറ്റം ജനപ്രിയമായി മാറിയെന്ന് ഉന്നത ഉദ്യോഗസ്ഥർ അറിയിച്ചു.

അതേസമയം, 2021 ൽ ദുബായിൽ 630,000 ആരോഗ്യ വിനോദ സഞ്ചാരികൾ എത്തി. ദുബായിൽ എത്തിയ ആരോഗ്യ വിനോദ സഞ്ചാരികളിൽ 38 ശതമാനവും ഏഷ്യൻ രാജ്യങ്ങളിൽ നിന്നുള്ളവരും 24 ശതമാനം യൂറോപ്പിൽ നിന്നുള്ളവരും 22 ശതമാനം അറബ്, ജിസിസി രാജ്യങ്ങളിൽ നിന്നുള്ളവരുമാണെന്നാണ് കണക്കുകൾ വ്യക്തമാക്കുന്നത്.

അന്താരാഷ്ട്ര ആരോഗ്യ വിനോദ സഞ്ചാരികളിൽ 55 ശതമാനം പുരുഷന്മാരും 45 ശതമാനം സ്ത്രീകളുമാണ്. അന്താരാഷ്ട്ര ആരോഗ്യ വിനോദസഞ്ചാരികൾക്ക് ചികിത്സയുടെ ഏകദേശം 70 ശതമാനവും മൾട്ടി ഡിസിപ്ലിനറി ക്ലിനിക്കുകളിലും 16 ശതമാനം ആശുപത്രികളിലും 14 ശതമാനം ഏകദിന ശസ്ത്രക്രിയാ കേന്ദ്രങ്ങളിലുമാണ് നൽകിയത്. ഡെർമറ്റോളജി (43 ശതമാനം), ദന്തചികിത്സ (18 ശതമാനം), ഗൈനക്കോളജി (16 ശതമാനം) എന്നിവയാണ് ആരോഗ്യ വിനോദ സഞ്ചാരികളെ ഏറ്റവും കൂടുതൽ ആകർഷിച്ച മൂന്ന് മെഡിക്കൽ സ്പെഷ്യാലിറ്റികൾ.

ഓർത്തോപീഡിക്‌സ്, പ്ലാസ്റ്റിക് സർജറി, ഒഫ്താൽമോളജി, ഹെൽത്ത് ആൻഡ് വെൽനസ്, ഫെർട്ടിലിറ്റി ട്രീറ്റ്‌മെന്റുകൾ എന്നിവ മറ്റ് മെഡിക്കൽ സ്പെഷ്യാലിറ്റികളിൽ ഉൾപ്പെടുന്നു.

Read Also: മലാലയെയും ടിപ്പു സുൽത്താനെയും കൊന്ന് നജ്‌ല ജീവനൊടുക്കിയതിന് പിന്നിൽ ഞെട്ടിക്കുന്ന വിവരങ്ങൾ