അനധികൃത വിദേശ മദ്യവിൽപന : മധ്യവയസ്കൻ അറസ്റ്റിൽ

വില്യാപ്പള്ളി: അനധികൃത വിദേശ മദ്യവിൽപന നടത്തിയ മധ്യവയസ്കൻ എക്സൈസ് സംഘത്തിന്റെ പിടിയിൽ. ആയഞ്ചേരി വില്ലേജിൽ താഴെ മൊട്ടമ്മൽ വീട്ടിൽ സുരേഷ് ബാബുവിനെയാണ് (52) വടകര എക്സൈസ് സർക്കിളും സംഘവും പിടികൂടിയത്.

കല്ലേരിയിൽ അനധികൃത വിദേശ മദ്യവിൽപന വ്യാപകമായതിനെ തുടർന്ന്, എക്സൈസ് സംഘം നടത്തിയ പരിശോധനയിലാണ് ഇയാൾ പിടിയിലായത്.

Read Also : തണുത്ത വെള്ളത്തിൽ മുഖം കഴുകുന്നതു കൊണ്ടുള്ള ഗുണങ്ങള്‍!

കല്ലേരി ജങ്ഷനിൽ മറ്റൊരാൾ വാടകക്കെടുത്ത കടയുടെ മുൻവശത്ത് മദ്യവിൽപന നടത്തുമ്പോഴാണ് പിടിയിലായത്. സർക്കിൾ ഇൻസ്പെക്ടർ മുഹമ്മദ് അൻസാരി, പ്രിവന്റിവ് ഓഫിസർ ഇ.പി. വിനോദ് കുമാർ, സിവിൽ എക്സൈസ് ഓഫീസർമാരായ സന്ദീപ്, അനൂപ്, മിഥുറാം, എൻ.എസ്. സുനീഷ് എന്നിവർ റെയ്ഡിൽ പങ്കെടുത്തു. പ്രതിയെ വടകര കോടതി ഹാജരാക്കി രണ്ടാഴ്ചത്തേക്കു റിമാൻഡ് ചെയ്തു.