തിരുവനന്തപുരം: മതവിദ്വേഷ പ്രസംഗത്തിന്റെ പേരിൽ കസ്റ്റഡിയിലെടുത്ത പി.സി ജോർജിന്റെ വാഹനം തടഞ്ഞ് ബിജെപി പ്രവർത്തകർ. തിരുവനന്തപുരത്തേക്ക് പോകുകയായിരുന്ന പിസി ജോർജിന് പിന്തുണ അറിയിച്ചു കൊണ്ട് ബിജെപി പ്രവർത്തകർ വാഹനം തടയുകയായിരുന്നു. തിരുവനന്തപുരം വട്ടപ്പാറയിൽ വച്ചാണ് പ്രവർത്തകർ വാഹനം തടഞ്ഞത്.
പോലീസ് വാഹനം തടഞ്ഞതിന് ശേഷം, പ്രവർത്തകർ അദ്ദേഹത്തിന്റെ വാഹനത്തിന് അരികിലെത്തി അഭിവാദ്യം അർപ്പിച്ചു. അദ്ദേഹം തിരിച്ചും പ്രവർത്തകരെ അഭിവാദ്യം ചെയ്തു. തുടർന്ന്, പോലീസ് ഇടപെടലിലൂടെ പ്രവർത്തകരെ മാറ്റി യാത്ര തുടരുകയായിരുന്നു. പിസി ജോർജ് തിരുവനന്തപുരത്ത് എആർ ക്യാമ്പിൽ എത്തിയപ്പോൾ പ്രതിഷേധമായി ഡിവൈഎഫ്ഐ പ്രവർത്തകർ തടിച്ചുകൂടിയിരുന്നു. പി.സിയുടെ വാഹനത്തിന് നേരെ ഡിവൈഎഫ്ഐ പ്രവർത്തകർ ചീമുട്ട എറിയുകയും കരിങ്കൊടി കാണിക്കുകയും ചെയ്തു.
അനന്തപുരി ഹിന്ദു മഹാസമ്മേളനത്തിൽ അദ്ദേഹം നടത്തിയ വിദ്വേഷ പ്രസംഗത്തെ തുടർന്നാണ് അദ്ദേഹത്തിനെതിരെ നടപടി സ്വീകരിച്ചിട്ടുള്ളത്. യൂത്ത് ലീഗ് മുഖ്യമന്ത്രിക്കും ഡിജിപിക്കും ഡിവൈഎഫ്ഐ പോലീസിനും പരാതി നൽകുകയായിരുന്നു. ഇതേ തുടർന്ന്, വ്യാപക പ്രതിഷേധമാണ് സംസ്ഥാനത്ത് നടക്കുന്നത്.
Post Your Comments