അങ്കണവാടിയുടെ ഭിത്തി ഇടിഞ്ഞു വീണ് മൂന്നര വയസുകാരന് പരുക്ക്

കോട്ടയം: അങ്കണവാടിയുടെ ഭിത്തി ഇടിഞ്ഞു വീണ് മൂന്നര വയസുകാരന് ഗുരുതരമായി പരുക്കേറ്റു. വൈക്കം പോളശേരി മായിത്തറ അജീഷിന്റെ മകൻ ​ഗൗതമിനാണ് പരുക്കേറ്റത്.
കായിക്കരയിൽ നഗരസഭയിലെ 25–ാം വാർഡിൽ പ്രവർത്തിക്കുന്ന 4-ാം നമ്പർ അങ്കണവാടിയിലാണ് അപകടം. അ‌പകടത്തിൽ പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു. മറ്റൊരു കുട്ടിയും ഹെൽപ്പറും അദ്ഭുതകരമായി രക്ഷപ്പെട്ടു.

കെട്ടിടത്തിനുള്ളിൽ കുട്ടികൾ കളിക്കുന്നതിനിടെ ഒരു വശത്തെ ഭിത്തി പുറത്തേക്ക് തകർന്നു വീഴുകയായിരുന്നു. അങ്കണവാടിയിൽ 12 കുട്ടികളോളം ഉണ്ടെങ്കിലും അ‌പകടം നടക്കുമ്പോൾ, 2 കുട്ടികളും സിന്ധുവും മാത്രമാണുണ്ടായിരുന്നത്.