നിലമ്പൂർ: നിരോധിത പുകയിലയുമായി യുവാവ് പിടിയിൽ. അരീക്കോട് കാവനൂർ തവരപ്പറമ്പ് സ്വദേശി നാഗേരി എ.കെ.സി ഷമീറി (25)നെയാണ് പൊലീസ് പിടികൂടിയത്. നിരോധിത പുകയില ഉത്പന്നമായ 225 പാക്കറ്റ് ഹാൻസുമായിട്ടാണ് നിലമ്പൂർ പൊലീസ് ഇയാളെ പിടികൂടിയത്.
നിലമ്പൂർ ഡിവൈഎസ്പി സാജു കെ. അബ്രഹാമിന്‍റെ നേതൃത്വത്തിൽ മമ്പാട് ഭാഗത്ത് നടത്തിയ പരിശോധനയിലാണ് ടൗണിൽ വിതരണം ചെയ്യാൻ കൊണ്ടുവന്ന 225 പാക്കറ്റ് ഹാൻസുമായി യുവാവിനെ എസ്ഐ എം. അസൈനാർ അറസ്റ്റ് ചെയ്തത്.
മുമ്പും യുവാവ് നിരോധിത പുകയില ഉത്പന്നം വിൽപ്പന നടത്തിയതിനു പൊലീസ് പിടിയിലായിരുന്നു. പരിശോധനാ സംഘത്തിൽ പൊലീസ് ഉദ്യോഗസ്ഥരായ എൻ.പി സുനിൽ, അഭിലാഷ് കൈപ്പിനി, കെ.ടി ആസിഫ് അലി, ജിയോ ജേക്കബ്, സി. രാജേഷ് എന്നിവരുമുണ്ടായിരുന്നു. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments