തിരുവനന്തപുരം: കഴക്കൂട്ടത്ത് യുവാവിനെ ബോംബെറിഞ്ഞു കൊലപ്പെടുത്താൻ ശ്രമിച്ച പ്രതികളിൽ നാലുപേർ അറസ്റ്റിൽ. വെള്ളിയാഴ്ച പുലർച്ചെയാണ് ക്വട്ടേഷന്‍ സംഘത്തിൽ പെട്ട അഖില്‍, രാഹുല്‍ , ജോഷി, അജിത് എന്നിവരെ പോലീസ് പിടികൂടിയത്. യുവാവിനെ കൊല്ലാൻ ക്വട്ടേഷന്‍ നൽകിയ ലഹരിവില്‍പ്പനക്കാരൻ അജിത് ലിയോൺ എന്നായാളും ഇവരോടൊപ്പം പിടിയിലായി.
Also Read:ഈ ഭക്ഷണത്തിലൂടെ വണ്ണം കുറയ്ക്കാം!
വ്യാഴാഴ്ച രാത്രിയോടെയാണ് കഴക്കൂട്ടത്തെ നടുക്കിക്കൊണ്ട് യുവാവിന് നേരെ നാലംഗ സംഘം ബോംബെറിഞ്ഞത്. അപകടത്തിൽ തുമ്പ സ്വദേശി ക്ലീറ്റസിനാണ് കാലിന് ഗുരുതരമായി പരിക്കേറ്റത്. ഇയാളെ ഉടൻ തന്നെ തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. നിലവിൽ, ഇയാൾ അപകടാവസ്ഥ തരണം ചെയ്തുവെന്നാണ് ആശുപത്രിയില്‍ അധികൃതർ അറിയിക്കുന്നത്. ആക്രമണത്തില്‍ ഇയാളുടെ വലത്തേക്കാലിനാണ്‌ ഗുരുതരമായി പരിക്കേറ്റത്.
അതേസമയം, സംസ്ഥാനത്ത് ഒരു ഇടവേളയ്ക്ക് ശേഷം വീണ്ടും ഗുണ്ടാ സംഘങ്ങളുടെ അതിക്രമങ്ങൾ വർധിച്ചുകൊണ്ടിരിക്കുകയാണ്. ഇതിനെതിരെ കൃത്യമായി നടപടി കൈക്കൊള്ളണമെന്നും, കുറ്റവാളികളെ കണ്ടെത്തി നിയമത്തിനു മുന്നിലെത്തിക്കാൻ പോലീസ് ഇടപെടണമെന്നും ജനങ്ങൾ അഭിപ്രായപ്പെടുന്നുണ്ട്.
Post Your Comments