സ്ത്രീകൾക്ക് നേരെ നഗ്നതാ പ്രദർശനം : യുവാവ് അറസ്റ്റിൽ

കൊച്ചി: പ്രഭാത സവാരിക്കിറങ്ങുന്ന സ്ത്രീകൾക്ക് നേരെ നഗ്നതാ പ്രദർശനം പതിവാക്കിയ യുവാവ് അറസ്റ്റിൽ. കോട്ടയം കുറുവിലങ്ങാട് കുളത്തൂർ സ്വദേശിയായ ഇമ്മാനുവേൽ (31) ആണ് പിടിയിലായത്. മൂവാറ്റുപുഴയിൽ സ്വകാര്യ സ്ഥാപനത്തിൽ സർവീസ് എഞ്ചിനീയറാണ് ഇയാൾ എറണാകുളത്ത് നിന്നും ആണ് പൊലീസ് പിടിയിലായത്.

എറണാകുളം സൗത്ത് പനമ്പള്ളി നഗർ ഭാഗത്ത് നടക്കാനിറങ്ങുന്ന സ്ത്രീകളെയാണ് ഇയാൾ നിരന്തരം ശല്യം ചെയ്തിരുന്നത്. സ്കൂട്ടറിന്റെ നമ്പർ പ്ലേറ്റ് അഴിച്ചുമാറ്റിയ ശേഷം ഈ ഭാഗത്ത് കറങ്ങി നടന്നാണ് പ്രതി സ്ത്രീകളെ ശല്യം ചെയ്തിരുന്നത്.

Read Also : അനധികൃത മദ്യവിൽപന നടത്തിയ യുവതി പിടിയിൽ

പരാതികളുടെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്. ‌കമ്മീഷണറുടെ നിർദ്ദേശത്തെ തുടർന്ന്, മഫ്തിയിൽ ഷാഡോ പൊലീസ് ആണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.