അബുദാബി: തുർക്കിയിലെ ഇസ്താംബൂളിലേക്ക് പുതിയ സർവ്വീസ് ആരംഭിച്ച് എയർ അറേബ്യ. ഏപ്രിൽ 29 മുതലാണ് പുതിയ സർവ്വീസുകൾ ആരംഭിക്കുന്നത്. ഇസ്താബൂളിലേക്ക് സർവ്വീസുകൾ ആരംഭിക്കുന്നതിൽ സന്തോഷമുണ്ടെന്ന് എയർ അറേബ്യ ഗ്രൂപ്പ് ചീഫ് എക്സിക്യൂട്ടീവ് ഓഫീസർ അദെൽ അൽ അലി പറഞ്ഞു.
2020 ജൂലൈയിൽ അബുദാബി ഇന്റർനാഷണൽ എയർപോർട്ടിൽ നിന്ന് സേവനം ആരംഭിച്ചതിന് ശേഷം എയർ അറേബ്യ അബുദാബിയുടെ 17-ാമത്തെ റൂട്ടാണ് പുതുതായി ആരംഭിക്കുന്നതെന്ന് അദ്ദേഹം വ്യക്തമാക്കി. എയർ അറേബ്യയുടെ വെബ്സൈറ്റ് സന്ദർശിച്ചോ കോൾ സെന്ററിൽ വിളിച്ചോ ട്രാവൽ ഏജൻസികൾ വഴിയോ ഉപഭോക്താക്കൾക്ക് ഇപ്പോൾ അബുദാബിക്കും ഇസ്താംബൂളിനും ഇടയിൽ നേരിട്ടുള്ള ഫ്‌ളൈറ്റുകൾ ബുക്ക് ചെയ്യാം.
Post Your Comments