റിയാദ്: വിദേശത്ത് നിന്നെത്തുന്ന വാക്സിനെടുക്കാത്ത യാത്രികർക്ക് രാജ്യത്തേക്ക് പ്രവേശിക്കാൻ അനുമതി നൽകി സൗദി അറേബ്യ. പുതിയ ഉത്തരവ് പ്രകാരം വിദേശത്ത് നിന്നെത്തുന്നവർ കോവിഡ് വാക്‌സിനേഷൻ സർട്ടിഫിക്കറ്റുകൾ ഹാജരാക്കുന്ന നടപടി ഒഴിവാക്കും.
രാജ്യത്തെ കോവിഡ് രോഗവ്യാപനം കുറഞ്ഞ പശ്ചാത്തലത്തിലാണ് നടപടി. ഉംറ തീർത്ഥാടകർക്കും പുതിയ തീരുമാനം ബാധകമാണ്. രാജ്യത്തേക്ക് പ്രവേശിക്കുന്നവർക്ക് യാത്ര പുറപ്പെടുന്നതിന് മുൻപ് ഏർപ്പെടുത്തിയിരുന്ന പിസിആർ നെഗറ്റീവ് അല്ലെങ്കിൽ റാപിഡ് ആന്റിജൻ പരിശോധനാ ഫലം മാർച്ച് 5 മുതൽ സൗദി ഒഴിവാക്കിയിരുന്നു. സൗദിയിലേക്ക് പ്രവേശിക്കുന്നവർക്ക് ഏർപ്പെടുത്തിയിരുന്ന ഇൻസ്റ്റിറ്റിയൂഷണൽ ക്വാറന്റെയ്ൻ, ഹോം ക്വാറന്റെയ്ൻ നിയന്ത്രണങ്ങളും ഒഴിവാക്കിയിരുന്നു.
Post Your Comments