കഞ്ചാവുമായി ഒഡിഷ സ്വദേശി അറസ്റ്റിലായി

ഒറ്റപ്പാലം: ട്രെയിനിൽ കഞ്ചാവുമായെത്തിയ ഒഡിഷ സ്വദേശി പിടിയിലായി. രണ്ടു കിലോ കഞ്ചാവും ഇയാളിൽ നിന്ന് പിടികൂടി. ഒഡീഷ നവരംഗ്പൂർ സ്വദേശി ഹലനാഥ് ദുർഗയെയാണ് ഒറ്റപ്പാലം പൊലീസ് അറസ്റ്റ് ചെയ്തത്.

ഒറ്റപ്പാലം റെയിൽവേ സ്റ്റേഷനിൽ നിന്ന് ബസ് സ്റ്റാൻ്റിലേക്ക് പോകുന്ന റോഡിൽ നിന്നാണ് ഇയാളെ പിടികൂടിയത്. രഹസ്യവിവരത്തെ തുടർന്നായിരുന്നു പരിശോധന. ആർക്കു വേണ്ടിയാണ് കഞ്ചാവ് കൊണ്ടുവന്നതുൾപ്പടെയുള്ള കാര്യങ്ങൾ പൊലീസ് അന്വേഷിക്കുകയാണ്.
സി ഐ വി ബാബുരാജൻ, എസ് ഐ പി ശിവശങ്കരൻ എന്നിവർ പരിശോധനക്ക് നേതൃത്വം നൽകി.