ഭാര്യയെ വധിക്കാൻ ശ്രമം : യുവാവ് അറസ്റ്റിൽ

ചവറ: ഭാര്യയെയും ഭാര്യാ മാതാവിനെയും ദേഹോപദ്രവം ഏൽപ്പിച്ചും ഭാര്യയെ ശ്വാസം മുട്ടിച്ച് കൊലപ്പെടുത്താനും ശ്രമിച്ച കേസിൽ യുവാവ് അറസ്റ്റിൽ. പന്മന മാവേലി മുറിയിൽ മല്ലയിൽ കിഴക്കതിൽ ജെ. ഷിജു (32) ആണ് പിടിയിലായത്. ചവറ പൊലീസ് ആണ് പ്രതിയെ പിടികൂടിയത്.

കഴിഞ്ഞ 12-ന് രാത്രി 10.15 ഓടെയാണ് സംഭവം. ഭാര്യയുടെ കുടുംബവീട്ടിലെത്തിയാണ് ആക്രമിച്ചത്. ഭാര്യ ബന്ധുക്കളോടും അയൽവാസികളോടും സഹകരിക്കുന്നതിലുള്ള വിരോധം കൊണ്ടാണ് ഇയാൾ ആക്രമണം നടത്തിയത്. ഭാര്യയുടെ പരാതിയിൽ, ചവറ പൊലീസ് മാനഹാനി വരുത്തിയതിനും സ്ത്രീധന പീഡനത്തിനും ഇയാൾക്കെതിരെ കേസ് രജിസ്റ്റർ ചെയ്തു.

Read Also : ഹിജാബ് ഇസ്‌ലാമിൽ നിർബന്ധമാണെന്ന് പകൽ പോലെ വ്യക്തമാണ്: വിധി തീർത്തും നിരാശാജനകമാണെന്ന് തഹ്‌ലിയ

കഴിഞ്ഞവർഷം ഇടപ്പള്ളിക്കോട്ടയിലെ മെഡിക്കൽ ഷോപ്പിൽ ആയുധം ഉപയോഗിച്ച് കൊലപ്പെടുത്താൻ ശ്രമിച്ച കേസിൽ ഇയാൾ ജാമ്യത്തിലായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.