തൃശൂര്‍: കൊരട്ടിയില്‍ യുവതിയെ ആക്രമിച്ച ശേഷം ഒളിവില്‍ കഴിയുകയായിരുന്ന മധ്യവയസ്കൻ പിടിയിൽ. കോനൂര്‍ സ്വദേശി സത്യവാനാണ് അറസ്റ്റിലായത്. അതിരപ്പള്ളിയില്‍ നിന്നാണ് പൊലീസ് ഇയാളെ പിടികൂടിയത്.
തിങ്കളാഴ്ച രാത്രിയാണ് കേസിനാസ്പദമായ സംഭവം. പാലപ്പിള്ളി സ്വദേശിയായ വൈഷ്ണവി എന്ന യുവതിയെയാണ് സത്യവാന്‍ ഉപദ്രവിച്ചത്. വൈഷ്ണവിയുടെ ഭര്‍ത്താവ് മുകേഷിന്‍റെ അമ്മയും സത്യവാനും തമ്മിലുള്ള ബന്ധം ചോദ്യം ചെയ്തതിന്‍റെ വൈരാഗ്യമാണ് ആക്രമണത്തിലേക്ക് നയിച്ചത്.
Read Also : കരസേനയുടെ ചീറ്റ ഹെലിക്കോപ്റ്റര്‍ തകര്‍ന്നു വീണു: പൈലറ്റുമാര്‍ക്കുവേണ്ടി തിരച്ചില്‍ ആരംഭിച്ചു
അയല്‍വീട്ടില്‍ നില്‍ക്കുകയായിരുന്ന വൈഷ്ണവിയെ സത്യവാന്‍ അപ്രതീക്ഷിതമായെത്തി താക്കോല്‍ക്കൂട്ടം ഉപയോഗിച്ച്‌ ആക്രമിക്കുകയായിരുന്നു. ആക്രമണത്തിൽ മുഖത്തും ശരീരത്തിലും പരിക്കേറ്റ വൈഷ്ണവി കറുകുറ്റിയിലുള്ള സ്വകാര്യ ആശുപത്രിയില്‍ ചികില്‍സ തേടുകയായിരുന്നു. ഇവരുടെ പരാതിയുടെ അടിസ്ഥാനത്തിൽ പൊലീസ് അന്വേഷണം ആരംഭിച്ചു.
തുടർന്ന്, അതിരപ്പള്ളി റിസോര്‍ട്ടില്‍ ഒളിവില്‍ കഴിയുകയായിരുന്ന സത്യവാനെ, കൊരട്ടി എസ്‌എച്ച്‌ഒ ബി കെ അരുണിന്‍റെ നേതൃത്വത്തിലുള്ള സംഘമാണ് പിടികൂടിയത്. പ്രതിയെ റിമാന്‍ഡ് ചെയ്തു.
Post Your Comments