ദുബായ്: ടാക്‌സി ഡ്രൈവർമാരെ റിക്രൂട്ട് ചെയ്യാൻ ആർടിഎ. പ്രതിമാസം 2000 ദിർഹം വരെയാണ് ശമ്പളം ലഭിക്കുക. മറ്റ് ആനുകൂല്യങ്ങളും ലഭിക്കും. രണ്ടു മുതൽ അഞ്ച് വർഷം വരെ ഡ്രൈവിങ് പരിചയം ഉള്ളവർക്കാണ് മുൻഗണന. പുരുഷന്മാർക്കും സ്ത്രീകൾക്കും അപേക്ഷ നൽകാമെന്ന് ആർടിഎ അറിയിച്ചു.
മിഡ്-കരിയർ ജോലിക്കുള്ള വാക്ക്-ഇൻ ഇന്റർവ്യൂ മാർച്ച് 18 ന് നടക്കും. താൽപര്യമുള്ള ഉദ്യോഗാർത്ഥികൾ പ്രിവിലേജ് ലേബർ റിക്രൂട്ട്‌മെന്റ് ഓഫീസ് സന്ദർശിക്കണമെന്നും നിർദ്ദേശമുണ്ട്. 23 നും 55 നും ഇടയിൽ പ്രായമുള്ളവർക്കാണ് ജോലി ലഭിക്കുക. ശമ്പളത്തിന് പുറമേ, കമ്മീഷനും ആരോഗ്യ ഇൻഷുറൻസും താമസസൗകര്യവും നൽകുന്നതാണ്. അതേസമയം, അപേക്ഷ നൽകാൻ ദുബായ് ഡ്രൈവിങ് ലൈസൻസ് ആവശ്യമില്ല. കോർപറേറ്റ് സോഷ്യൽ റെസ്പോൺസിബിലിറ്റിയുടെ (സിഎസ്ആർ) ഭാഗമായി കുറഞ്ഞ വരുമാനക്കാരായ അപേക്ഷകർക്ക് ഡ്രൈവിങ് ലൈസൻസ് നേടുന്നതിനുള്ള പരിശീലനം നൽകി വരുന്നുണ്ട്.
Post Your Comments