നാലു ചാക്ക് ലഹരിവസ്തുക്കളുമായി രണ്ടുപേർ പിടിയിൽ

കാഞ്ഞങ്ങാട്: കാറിൽ കടത്താൻ ശ്രമിച്ച നാല് ചാക്ക് നിരോധിത പാൻമസാല ഉൽപന്നങ്ങൾ പിടികൂടി. സംഘത്തിൽപെട്ട രണ്ടു പേരെ ഹൊസ്ദുർഗ് പൊലീസ് അറസ്റ്റ് ചെയ്തു.

കോഴിക്കോട് മുക്കം ഇരുൾകുന്ന് കല്ലുരുട്ടി സ്വദേശികളായ ടി.എ. മുഹമ്മദ് ഷാഫി (32), ഐ.കെ. സക്കീർ ഹുസൈൻ (44) എന്നിവരെയാണ് ഹൊസ്ദുർഗ് എസ്.ഐ അറസ്റ്റ് ചെയ്തത്. മംഗലാപുരത്തുനിന്ന് കോഴിക്കോട്ടേക്ക് ലഹരി വസ്തുക്കൾ കടത്തുന്നതിനിടെ, നിർത്താതെ പോയ വാഹനത്തെ ട്രാഫിക്ക് പൊലീസിന്റെ സഹായത്തോടെയാണ് കാഞ്ഞങ്ങാട് ബസ് സ്റ്റാൻഡ് പരിസരത്തുനിന്ന് പിടികൂടിയത്.