ഇങ്ങനെയാണ് റഷ്യൻ അധിനിവേശക്കാർ മരിക്കുന്നത്: റഷ്യൻ സൈനിക ഹെലികോപ്റ്റർ തകർത്തതിന്റെ വീഡിയോ പങ്കുവെച്ച് ഉക്രൈൻ

കീവ്: ഉക്രൈനിൽ ആക്രമണം നടത്തുന്ന റഷ്യൻ സൈനിക ഹെലികോപ്റ്റർ തങ്ങളുടെ വിമാനവേധ സംവിധാനം ഉപയോഗിച്ച് തകർത്തതിന്റെ വീഡിയോ പങ്കുവെച്ച് ഉക്രൈൻ പ്രതിരോധ മന്ത്രാലയം. ‘ഇങ്ങനെയാണ് റഷ്യൻ അധിനിവേശക്കാർ മരിക്കുന്നത്. ഇത്തവണ ഹെലികോപ്റ്ററിൽ! ഉക്രൈനും അതിന്റെ പ്രതിരോധക്കാർക്കും മഹത്വം! ഒരുമിച്ച് വിജയത്തിലേക്ക്,’ വീഡിയോയ്‌ക്കൊപ്പം മന്ത്രാലയം ട്വീറ്റ് ചെയ്തു.

സിവിലിയൻമാർക്കായി മാനുഷിക ഇടനാഴികൾ തുറക്കുന്നതിനായി റഷ്യ ഉക്രൈനിൽ വെടിനിർത്തൽ പ്രഖ്യാപിച്ച സാഹചര്യത്തിലാണ് ഇത്. ലക്ഷ്യ സ്ഥാനത്തേക്ക് പറക്കുകയായിരുന്ന റഷ്യൻ സൈനിക ഹെലികോപ്റ്ററിന് നേരെ ഉക്രൈൻ മിസൈൽ വരുന്നതും, ഞൊടിയിടയിൽ ഹെലികോപ്റ്റർ അഗ്നിഗോളമായി താഴേക്ക് പതിക്കുന്നതുമാണ് ദൃശ്യങ്ങളിൽ. ഉക്രൈൻ പ്രതിരോധ മന്ത്രാലയം ട്വിറ്ററിൽ പങ്കുവെച്ച വീഡിയോ വളരെ വേഗത്തിലാണ് സമൂഹ മാധ്യമങ്ങളിൽ വൈറലായത്.

#stoprussia

⚔️ Так гинуть російські окупанти. Цього разу у вертольоті!

Слава Україні та її захисникам! Разом до перемоги! ??@GeneralStaffUA pic.twitter.com/raFOepF06P

— Defence of Ukraine (@DefenceU) March 5, 2022