പോക്സോ കേസ്​ പ്രതി വിമാനത്താവളത്തിൽ ഇമിഗ്രേഷൻ വിഭാഗത്തിന്‍റെ പിടിയിൽ

നെടുമ്പാശ്ശേരി: പോക്സോ കേസ് വിമാനത്താവളത്തിൽ​ പ്രതി ഇമിഗ്രേഷൻ വിഭാഗത്തിന്‍റെ പിടിയിലായി. വിദേശത്തുനിന്ന് മടങ്ങിയെത്തിയ തിരുവനന്തപുരം കല്ലുവിള തോട്ടിൻകര പുത്തൻവീട്ടിൽ അജിംഷാ സലിമാണ്​ (24) പിടിയിലായത്.

ജനുവരി അഞ്ചിനാണ് കേസിനാസ്പദമായ സംഭവം.​ കിളിമാനൂർ പൊലീസിൽ ലഭിച്ച പരാതിയുടെ അടിസ്ഥാനത്തിൽ രജിസ്റ്റർ ചെയ്ത കേസിലെ പ്രതിയാണ്.

Read Also : യുക്രൈനിലേയ്ക്കുള്ള വിമാന സർവീസുകൾ താത്ക്കാലികമായി റദ്ദാക്കി ഖത്തർ എയർവേയ്‌സ്

സംഭവത്തിന്​ ശേഷം ഷാർജയിലേക്ക് മുങ്ങിയ പ്രതി ഇൻഡിഗോ വിമാനത്തിൽ മടങ്ങി വന്നപ്പോഴാണ് പിടിയിലായത്. തിരുവനന്തപുരം റൂറൽ ജില്ല പൊലീസ് മേധാവി ഇതുസംബന്ധിച്ച് തിരച്ചിൽ നോട്ടീസ് വിമാനത്താവളങ്ങളിൽ നൽകിയിരുന്നു. പ്രതിയെ കോടതിയിൽ ഹാജരാക്കും.