സ്കൂളിൽ പോകാൻ മടി: കൊല്ലത്ത് നാലാം ക്ലാസുകാരന്റെ കാലിൽ പൊള്ളലേൽപ്പിച്ച് അമ്മ

കൊല്ലം: സ്കൂളിൽ പോകാൻ മടി കാണിച്ച മകനെ ക്രൂരമായി പൊള്ളലേൽപ്പിച്ച് അമ്മ. കൊല്ലം
തേവലക്കരയാണ് സംഭവം നടന്നത്.

സ്കൂളിൽ പോകാൻ മടിച്ച ഒൻപത് വയസ്സുകാരനെയാണ് 28-വയസ്സുകാരിയായ അമ്മ കറിക്കത്തി ചൂടാക്കി കാൽപ്പാദത്തിലും തുടയിലും പൊള്ളലേൽപിച്ചത്. സംഭവത്തിൽ മാതാവിനെ പോലീസ് അറസ്റ്റ് ചെയ്തു. നാട്ടുകാരാണ് വിവരം പോലീസിൽ അറിയിച്ചത്. തുടർന്ന് പോലീസെത്തി കുട്ടിയെ ആശുപത്രിയിലെത്തിച്ച് പ്രാഥമിക ചികിത്സ നൽകിയ ശേഷമാണ് അമ്മയെ അറസ്റ്റ് ചെയ്തത്.

Read Also  :  ഇന്ത്യ-വെസ്റ്റ് ഇൻഡീസ് രണ്ടാം ടി20 ഇന്ന്: രോഹിത് ശർമയെ കാത്തിരിക്കുന്നത് രണ്ട് റെക്കോര്‍ഡുകള്‍

പോലീസ് ഇൻസ്പെക്ടർ എം.ദിനേശ് കുമാർ, എസ്ഐ എസ്.സുജാതൻ പിള്ള, എഎസ്ഐമാരായ വിജയൻ,രഞ്ജിത്ത്, സിപിഒ രാജീവ്, വനിത സിപിഒ ശൈലജ, മുനീറ എന്നിവരാണ് അന്വേഷണ സംഘത്തിലുണ്ടായിരുന്നത്.