ഐപിഎൽ ടീം ചെന്നൈ സൂപ്പര്‍ കിംഗ്‌സിന് നന്ദി പറഞ്ഞ് ദക്ഷിണാഫ്രിക്കന്‍ സൂപ്പർ താരം ഫാഫ് ഡു പ്ലെസിസ്. കഴിഞ്ഞ സീസണ്‍ ഐപിഎല്ലില്‍ സിഎസ്‌കെയുടെ താരമായിരുന്നു ഡു പ്ലെസിസ്. എന്നാല്‍ ഇത്തവണ താരത്തെ റോയല്‍ ചലഞ്ചേഴ്‌സ് ബാംഗ്ലൂരാണ് സ്വന്തമാക്കിയത്. ചെന്നൈയുടെ പ്രധാന താരമായ ഡു പ്ലെസിസ് ടീമിന്റെ കിരീട നേട്ടത്തിൽ നിർണായക പങ്കുവഹിച്ചിരുന്നു. ബാംഗ്ലൂരിലേക്ക് ചേക്കേറുന്ന ഡുപ്ലെസി ധോണിയെയും സംഘത്തേയും മറക്കുന്നില്ല.ടീം നല്‍കിയ പിന്തുണയ്ക്ക് അദ്ദേഹം നന്ദി പറഞ്ഞു.
ഐപിഎൽ മെഗാതാരലേലത്തിൽ ഡുപ്ലെസിക്കായി റോയല്‍ ചലഞ്ചേഴ്‌സ് ബാംഗ്ലൂര്‍ മുടക്കിയത് ഏഴ് കോടിയാണ്. കഴിഞ്ഞ സീസണിലെ റണ്‍വേട്ടയില്‍ രണ്ടാം സ്ഥാനക്കാരനായ ഡുപ്ലെസിയെ ബാറ്റിംഗ് മാത്രം മുന്നില്‍ കണ്ടല്ല ബാംഗ്ലൂര്‍ ടീമില്‍ എത്തിച്ചിരിക്കുന്നത്. വിരാട് കോലി ഒഴിഞ്ഞ നായകസ്ഥാനത്തേക്ക് എത്താന്‍ ഏറ്റവും കൂടുതല്‍ സാധ്യതയുള്ള താരമാണ് ഡുപ്ലെസി.
Read Also:- മുടികൊഴിച്ചില്‍ തടയാൻ..
ദക്ഷിണാഫ്രിക്കയുടെ മുന്‍ നായകനായ ഡുപ്ലെസി ടീമിന്റെ നായകനായേക്കുമെന്ന് ലേലത്തിന്റെ ആദ്യദിനം ബാംഗ്ലൂര്‍ സ്വന്തമാക്കിയ ഹര്‍ഷല്‍ പട്ടേൽ പറയുന്നത്. ഡുപ്ലെസിക്കൊപ്പം ഗ്ലെന്‍ മാക്‌സ്‌വെല്ലിനെയും ബാംഗ്ലൂര്‍ നായകനായി പരിഗണിച്ചേക്കുമെന്നാണ് ടീം ഡയറക്ടര്‍ മൈക് ഹെസ്സന്‍ നല്‍കുന്ന സൂചന. നേരത്തെ, ഫാഫിന്റെ അഭാവം വളരെ വലുതായിരിക്കുമെന്ന് ചെന്നൈ സൂപ്പര്‍ കിംഗ്‌സും വ്യക്താക്കിയിരുന്നു.
Post Your Comments