ബ​സ് പു​റ​പ്പെ​ടേ​ണ്ട സ​മ​യ​ത്തെ​ച്ചൊ​ല്ലി ബ​സ് ജീ​വ​ന​ക്കാ​ർ തമ്മിൽ കൈയ്യാങ്കളി : ബ​സു​ക​ൾ പിടിച്ചെടുത്ത് പൊലീസ്

രാ​ജ​പു​രം: ബ​സ് പു​റ​പ്പെ​ടേ​ണ്ട സ​മ​യ​ത്തെ​ച്ചൊ​ല്ലി ബ​സ് ജീ​വ​ന​ക്കാ​ർ തമ്മിൽ കൈയ്യാങ്കളിയിലെത്തിയതിന് പിന്നാലെ ബ​സു​ക​ൾ പിടിച്ചെടുത്ത് പൊലീസ്. കാ​ഞ്ഞ​ങ്ങാ​ട്-​പാ​ണ​ത്തൂ​ർ റൂ​ട്ടി​ൽ ഒടുന്ന ബസുകളിലെ ജീ​വ​ന​ക്കാ​ർ ആണ് ത​മ്മി​ല​ടി​ച്ചത്.

മൂ​ന്നു​ത​വ​ണ​യാ​ണ് ബ​സ് ജീ​വ​ന​ക്കാ​ർ ത​മ്മി​ല​ടി​ച്ച​ത്. ഇ​തോ​ടെ ബ​സു​ക​ൾ പൊലീ​സ് ക​സ്റ്റ​ഡി​യി​ലെ​ടു​ത്തു. കു​ട​ജാ​ദ്രി, അ​ൽ​മാ​സ് ബ​സി​ലെ ജീ​വ​ന​ക്കാ​രാ​ണ് തമ്മിൽ​ ഏ​റ്റു​മു​ട്ടി​യ​ത്.

വ്യാഴാഴ്ച രാ​വി​ലെ 11 ഓ​ടെയാണ് കേസിനാസ്പദമായ സംഭവം. കാ​ഞ്ഞ​ങ്ങാ​ട് ബ​സ്‌സ്റ്റാ​ൻ​ഡി​ൽ വ​ച്ച് സ​മ​യ​ത്തെ​ചൊ​ല്ലി ഇ​രു​ബ​സി​ലേ​യും ജീ​വ​ന​ക്കാ​ർ ത​മ്മി​ൽ ആ​ദ്യ വാ​ക്കേ​റ്റവും കൈ​യാ​ങ്ക​ളി​യും ന​ട​ന്നു. ഇ​തി​നി​ട​യി​ൽ കു​ട​ജാ​ദ്രി ബ​സി​ലെ ജീ​വ​ന​ക്കാ​ർ അ​ൽ​മാ​സി​ലെ ജീ​വ​ന​ക്കാ​രെ മ​ർ​ദി​ക്കു​ക​യും ചെ​യ്തു. മ​റ്റു ബ​സുകളി​ലെ ജീ​വ​ന​ക്കാ​ർ ഇ​രു​കൂട്ടരെയും അ​നു​ന​യി​പ്പി​ച്ച് അ​യ​ച്ചു. എന്നാൽ ത​ങ്ങ​ളെ കൈ​യേ​റ്റം ചെ​യ്ത കു​ട​ജാ​ദ്രി ബ​സി​ലെ ജീ​വ​ന​ക്കാ​രെ ഉ​ച്ച​ക​ഴി​ഞ്ഞ് പാ​ണ​ത്തൂ​ർ ബ​സ്‌സ്റ്റാ​ൻ​ഡി​ൽ വ​ച്ച് അ​ൽ​മാ​സി​ലെ ജീ​വ​ന​ക്കാ​ർ തി​രി​ച്ച് കൈ​യേ​റ്റം ചെ​യ്തു.

Read Also : ‘മരണകാരണം മുഖ്യമന്ത്രിയും സര്‍ക്കാരും’ കുറിപ്പെഴുതി വെച്ച് മത്സ്യത്തൊഴിലാളി ആത്മഹത്യ ചെയ്തു

സം​ഭ​വ​മ​റി​ഞ്ഞ് സ്ഥലത്തെത്തിയ രാ​ജ​പു​രം പൊ​ലീ​സ് ബ​സി​ൽ യാ​ത്ര​ക്കാ​രു​ള്ള​തി​നാ​ൽ ഇ​രു​വ​രേ​യും അ​നു​ന​യി​പ്പി​ച്ച് പ​റ​ഞ്ഞു​വിട്ടു. എ​ന്നാ​ൽ പാ​ണ​ത്തൂ​രി​ൽ​ നി​ന്ന് കാ​ഞ്ഞ​ങ്ങാ​ട്ടേ​ക്ക് തി​രി​ച്ചു​വ​രി​ക​യാ​യി​രു​ന്ന അ​ൽ​മാ​സ് ബ​സി​നെ കു​ട​ജാ​ദ്രി ബ​സി​ന്‍റെ ഉ​ട​മ​യു​ടെ നാ​ടാ​യ അ​ട്ടേ​ങ്ങാ​ന​ത്തു വ​ച്ച് ഒ​രു​സം​ഘമാ​ളു​ക​ൾ ത​ട​ഞ്ഞു​നി​ർ​ത്തി യാ​ത്ര​ക്കാ​രെ ഇ​റ​ക്കി​വി​ടു​ക​യും ജീ​വ​ന​ക്കാ​രെ കൈ​യേ​റ്റം ചെ​യ്യു​ക​യും ചെ​യ്തു. ഇ​തേ​ത്തു​ട​ർ​ന്നാണ് രാ​ജ​പു​രം പൊലീ​സ് ഒരു ബ​സും അ​മ്പ​ല​ത്ത​റ പൊ​ലീ​സ് മറ്റൊരു ബ​സും ക​സ്റ്റ​ഡി​യി​ലെ​ടു​ത്തത്.