പാലി : യു ട്യൂബില്‍ വീഡിയോ എടുത്ത് താരമാക്കാമെന്ന് വാഗ്ദാനം നല്‍കി 16-കാരിയെ പീഡിപ്പിച്ച കേസിൽ യുവാവ് അറസ്റ്റിൽ. ജോധ്പൂരിലെ ബാബറ ഹാളിൽ താമസിക്കുന്ന നിസാമുദ്ദീൻ എന്ന രാജ് ഖാനാണ് പിടിയിലായത്.
രാജസ്ഥാനിലെ പാലിയിലാണ് സംഭവം നടന്നത്. ചുരുങ്ങിയ വര്‍ഷത്തിനകം യു ട്യൂബില്‍ താരമാക്കാമെന്നും ഇതിലൂടെ നല്ല വരുമാനം ലഭിക്കുമെന്നും രാജ് ഖാന്‍ പെൺകുട്ടിയെ പറഞ്ഞു വിശ്വസിപ്പിക്കുകയായിരുന്നു. പിന്നീട് ജനുവരി 8ന് ജോധ്പൂരിലേക്ക് വീഡിയോ എടുക്കാനെന്ന വ്യാജേന പെൺകുട്ടിയെ ഫ്ലാറ്റിലേക്ക് കൊണ്ടുപോയി പീഡിപ്പിക്കുകയായിരുന്നു.
Read Also : ജീവിതം ചിലപ്പോള്‍ അങ്ങനെയാണ്, ആ യുവതാരത്തെ നഷ്ടമായത് നിരാശാജനകമാണ്: മക്കല്ലം
സംഭവം വീട്ടുകാരോട് പറയുമെന്ന് പീഡനത്തിനിരയായ പെൺകുട്ടി പറഞ്ഞപ്പോൾ പ്രതി ആക്രമിക്കുകയും ഭീഷണിപ്പെടുത്തുകയും ചെയ്തു. പാലിയിലേക്ക് വരാൻ അവസരം ലഭിച്ചയുടൻ പെണ്‍കുട്ടി സംഭവം മുഴുവൻ കുടുംബാംഗങ്ങളോട് പറഞ്ഞു. തുടര്‍ന്ന് അവർ പോലീസ് സ്റ്റേഷനില്‍ പരാതി നല്‍കുകയായിരുന്നു. തുടർന്ന് നടത്തിയ അന്വേഷണത്തിൽ കഴിഞ്ഞ ദിവസം ജോധ്പൂരിൽ നിന്നാണ് രാജ് ഖാനെ പോലീസ് അറസ്റ്റ് ചെയ്തത്.
Post Your Comments