ഇന്ത്യക്കെതിരേ ഫെബ്രുവരിയിൽ നടക്കാനിരിക്കുന്ന ഏകദിന പരമ്പരയ്ക്കുള്ള വെസ്റ്റിൻഡീസ് ടീമിനെ പ്രഖ്യാപിച്ചു. സൂപ്പര്‍ ഓള്‍റൗണ്ടര്‍ കീരണ്‍ പൊള്ളാര്‍ഡാണ് പരമ്പരയില്‍ വിന്‍ഡീസിനെ നയിക്കുന്നത്. വെറ്ററന്‍ റൈറ്റ് ഹാൻഡ് ഫാസ്റ്റ് ബൗളര്‍ കെമര്‍ റോച്ചിനെയും ബാറ്റര്‍ ക്രുമ ബോണറിനെയും ടീമിലേക്ക് തിരിച്ചുവിളിച്ചിട്ടുണ്ട്.
മൂന്നു മല്‍സരങ്ങളുള്‍പ്പെട്ട പരമ്പര ഫെബ്രുവരി ആറു മുതല്‍ അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ ആരംഭിക്കും. വിന്‍ഡീസ് ടീം ഫെബ്രുവരി ഒന്നിന് ഇന്ത്യയിലെത്തും. ഫെബ്രുവരി ആറ്, ഒമ്പത്, 11 തിയ്യതികളിലാണ് ഏകദിന മല്‍സരങ്ങള്‍. ഉച്ചയ്ക്കു ഒരു മണിക്കാണ് മല്‍സരങ്ങള്‍ ആരംഭിക്കുന്നത്.
Read Also:- യൂറിക് ആസിഡിനെ പ്രതിരോധിക്കാനുള്ള മാർഗ്ഗങ്ങൾ..!
വെസ്റ്റ് ഇന്‍ഡീസ് ഏകദിന ടീം: കീരണ്‍ പൊള്ളാര്‍ഡ്, ഫാബിയന്‍ അലെന്‍, ക്രുമ ബോണര്‍, ഡാരെന്‍ ബ്രാവോ, ഷമാറ ബ്രൂക്സ്, ജാസണ്‍ ഹോള്‍ഡര്‍, ഷെയ് ഹോപ്പ്, അക്കീല്‍ ഹൊസെയ്ന്‍, അല്‍സാറി ജോസഫ്, ബ്രെന്‍ഡന്‍ കിങ്, നിക്കോളാസ് പൂരന്‍, കെമര്‍ റോച്ച്, റൊമാരിയോ ഷെപാര്‍ഡ്, ഒഡീന്‍ സ്മിത്ത്, ഹെയ്ഡന്‍ വാല്‍ഷ് ജൂനിയര്‍.
Post Your Comments