തളിപ്പറമ്പ്: മാരക മയക്ക‌ുമരുന്നായ എംഡിഎംഎയും കഞ്ചാവുമായി യുവാവ് പിടിയിൽ. തളിപ്പറമ്പ് കുപ്പം സ്വദേശി കെ.എം. അനസ് (29) ആണ് പിടിയിലായത്. തളിപ്പറമ്പ് റെയ്ഞ്ച് എക്‌സൈസ് സംഘം ആണ് പിടികൂടിയത്. ഇയാളുടെ പക്കല്‍ നിന്ന് 100 മില്ലി ഗ്രാം എംഡിഎംഎയും കഞ്ചാവും പിടിച്ചെടുത്തു.
ലഹരി മരുന്ന് കടത്തിയ കെഎല്‍ 59 എക്‌സ് 1690 നമ്പര്‍ ബൈക്കും പിടിച്ചെടുത്തിട്ടുണ്ട്. തളിപ്പറമ്പ് റെയ്ഞ്ച് എക്‌സൈസ് ഇന്‍സ്‌പെക്ടര്‍ ടി.വി. രാമചന്ദ്രനും സംഘവും തളിപ്പറമ്പ് കാക്കത്തോട് ബസ് സ്റ്റാന്‍ഡിന് സമീപം നടത്തിയ പരിശോധനയിലാണ് പ്രതി പിടിയിലായത്.
Read Also : രണ്ട് പുത്തൻ ഇലക്ട്രിക് എസ്‌യുവികള്‍ അവതരിപ്പിക്കാനൊരുങ്ങി എംജി മോട്ടോര്‍ ഇന്ത്യ
പരിശോധന നടത്തിയ സംഘത്തില്‍ പ്രിവന്‍റീവ് ഓഫീസര്‍ കെ.പി. മധുസൂദനന്‍, സിവില്‍ എക്‌സൈസ് ഓഫീസര്‍മാരായ എസ്എപി ഇബ്രാഹിം ഖലീല്‍, കെ. മുഹമ്മദ് ഹാരിസ്, പി.പി. റെനില്‍ കൃഷ്ണന്‍ എന്നിവരും ഉണ്ടായിരുന്നു. പ്രതിയെ കോടതിയിൽ ഹാജരാക്കി.
Post Your Comments