കോഴിക്കോട്: ആയിരത്തോളം പാക്കറ്റ് ഹാന്‍സുമായി അച്ഛനും മകനും പിടിയിൽ. മാങ്കാവ് കൂളിത്തറ കുഞ്ഞാദ് കോയ (62), മകന്‍ നൗഫല്‍ (35) എന്നിവരാണ് നിരോധിത പുകയില ഉല്‍പന്നങ്ങളുമായി പോലീസിന്റെ പിടിയിലായത്.
മാങ്കാവിൽ കുഞ്ഞാദ് കോയ നടത്തുന്ന സ്റ്റേഷനറി കടയില്‍ നിന്നും ഹോട്ടലില്‍ നിന്നുമാണ് കസബ പൊലീസ് ഒരു ലക്ഷത്തോളം രൂപയുടെ ആയിരത്തോളം പാക്കറ്റ് ഹാന്‍സ് എസ്.ഐ എസ് അഭിലാഷിന്‍റെ നേതൃത്വത്തില്‍ പിടികൂടിയത്.
അതേസമയം, സംസ്ഥാനത്ത് അനധികൃതമായി നിരോധിത പുകയില ഉല്‍പന്നങ്ങളുടെ വില്പന അധികരിച്ചിട്ടുണ്ട്. പ്രായപൂർത്തിയാകാത്ത വിദ്യാർത്ഥികൾ വരേയ്ക്ക് ഇതിൽ ഉൾപ്പെടുന്നുണ്ട്.
Post Your Comments