മലയാളികളുടെ ഇഷ്ട വിഭവങ്ങളായ കപ്പയും പുട്ടും ചേർന്ന് ഒരു വ്യത്യസ്തവിഭവം തയ്യാറാക്കിയാലോ?

മലയാളികളുടെ ഇഷ്ട വിഭവങ്ങളായ കപ്പയും പുട്ടും ചേർന്ന് ഒറ്റ പലഹാരം തയ്യാറാക്കാം. കപ്പപ്പുട്ട്… എങ്ങനെയാണ് കപ്പപ്പുട്ട് ഉണ്ടാക്കുന്നതെന്ന് നോക്കാം.

ആവശ്യമായ സാധനങ്ങൾ

കപ്പ ചിരകിയെടുത്തത് – അരക്കപ്പ്

പുട്ടുപൊടി (അരിപ്പൊടി) – അരക്കപ്പ്

തേങ്ങ ചിരകിയത് – ഒരു കപ്പ്

ഉപ്പ് പാകത്തിന്

Read Also : അരുണാചൽ പ്രദേശിലെ സ്ഥലങ്ങളുടെ പേര് മാറ്റുന്നു : ചൈനയ്ക്ക് ഇന്ത്യയുടെ കർശനമായ താക്കീത്

തയ്യാറാക്കുന്ന വിധം

കപ്പ ചിരകിയതും അരിപ്പൊടിയും പാകത്തിന് ഉപ്പും ചേർത്ത് നന്നായി യോജിപ്പിക്കുക. ഇതിൽ വെളളം ചേർക്കേണ്ട ആവശ്യമില്ല. കുക്കറിൽ ഘടിപ്പിക്കാവുന്ന പുട്ടുമേക്കറിലും സാധാരണ പുട്ടുകുടത്തിലും ഇതുണ്ടാക്കാവുന്നതാണ്. ഇവിടെ നമ്മൾ കുക്കർ ഉപയോ​ഗിച്ചാണ് ഉണ്ടാക്കുന്നത്. അതിനായി കുക്കറിൽ ആവശ്യത്തിന് വെളളം വെച്ച് തിളപ്പിക്കുക.

ആവി വന്നു കഴിയുമ്പോൾ പുട്ടു മേക്കർ കുക്കറിൽ ഘടിപ്പിക്കുക. സ്റ്റീം നോസിൽ പൂർണമായും പുട്ടുമേക്കറിനകത്ത് യോജിപ്പിക്കണം. ഇനി പുട്ടുമേക്കറിൽ ആവശ്യത്തിന് തേങ്ങ നിരത്തിയ ശേഷം അതിനു മുകളിലായി അരിപ്പൊടി-കപ്പ മിശ്രിതം നിറയ്ക്കുക. വേണമെങ്കിൽ മുകളിലും തേങ്ങ വിതറിക്കൊടുക്കാം. അടച്ചു വെച്ച് മൂന്നു മുതൽ അഞ്ച് മിനിറ്റ് വേവിക്കുക. ശേഷം കുക്കറിൽ നിന്നെടുത്ത് മറ്റൊരു പാത്രത്തിലേക്ക് തയ്യാറായ പുട്ട് മാറ്റുക. ചൂടോടെ ചിക്കൻ കറിയ്ക്കൊപ്പമോ, മീൻ കറിയ്ക്കൊപ്പമോ കഴിക്കാം.