കുറ്റിപ്പുറം: ബസിൽ വെച്ച് വിദ്യാർഥിനിയെ ശല്യപ്പെടുത്തിയ യുവാവ് അറസ്റ്റിൽ. തവനൂർ മറവഞ്ചേരി സ്വദേശി കളരിക്കൽ വീട്ടിൽ വിമൽ എസ്. പണിക്കരാണ് (31) പിടിയിലായത്. യുവാവിനെ കുറ്റിപ്പുറം പൊലീസ് ആണ് അറസ്റ്റ് ചെയ്തത്.
പൊന്നാനിയിൽ നിന്ന് കുറ്റിപ്പുറത്തേക്ക് പോകുന്ന ബസിലായിരുന്നു സംഭവം. തവനൂർ അയങ്കലത്ത് വെച്ച് വിദ്യാർഥിനിയും മറ്റൊരു യാത്രക്കാരിയും ചേർന്ന് സംഭവം കണ്ടക്ടറുടെ ശ്രദ്ധയിൽപെടുത്തി. തുടർന്ന് യുവാവ് ബസിൽ നിന്ന് ഇറങ്ങി രക്ഷപ്പെടാൻ ശ്രമിച്ചെങ്കിലും നാട്ടുകാർ ചേർന്ന് പിടികൂടുകയായിരുന്നു.
ബസ് കുറ്റിപ്പുറം പൊലീസ് സ്റ്റേഷനിലേക്ക് വിടുകയും യുവാവിനെ പൊലീസിന് കൈമാറുകയും ആയിരുന്നു. തുടർന്ന് പൊലീസ് യുവാവിന്റെ അറസ്റ്റ് രേഖപ്പെടുത്തി. പ്രതിയെ ഇന്ന് കോടതിയിൽ ഹാജരാക്കും.
Post Your Comments