അബുദാബി: സ്വർണം, വെള്ളി നാണയങ്ങൾ പുറത്തിറക്കി യുഎഇ. അഞ്ചു പതിറ്റാണ്ടു പിന്നിട്ട ഷാർജ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ (എസ്സിസിഐ) സ്മരണാർഥമാണ് യുഎഇ സെൻട്രൽ ബാങ്ക് നാണയങ്ങൾ പുറത്തിറക്കിയത്.
50 വർഷത്തെ നേട്ടങ്ങളും വിജയവും ഉയർത്തിക്കാട്ടുന്നതിന്റെ ഭാഗമായാണ് നടപടി. 40 ഗ്രാം വീതം തൂക്കമുള്ള 100 സ്വർണ നാണയങ്ങളും 1000 വെള്ളി നാണയങ്ങളും സെൻട്രൽ ബാങ്ക് പുറത്തിറക്കി. ഒരു വശത്ത് ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ ചിത്രവും മറുവശത്ത് ഇംഗ്ലിഷ്, അറബിക് ഭാഷകളിൽ പേരും സുവർണജൂബിലി വർഷവും നാണയങ്ങളിൽ ആലേഖനം ചെയ്തിട്ടുണ്ട്.
Post Your Comments