തിരുവനന്തപുരം: വീട്ടിൽ നാടൻബോംബ് എറിഞ്ഞ് നാശനഷ്ടം വരുത്തിയ കേസിൽ ഒരു പ്രതി കൂടി പിടിയിൽ. ആറ്റിപ്ര ചെങ്കൊടിക്കാട് പുതുവൽ പുത്തൻവീട്ടില്‍ കട്ട സുധീഷ് എന്ന സുധീഷ് കുമാറിനെയാണ് (28) കഴക്കൂട്ടം പൊലീസ് അറസ്റ്റ് ചെയ്തത്.
കഴക്കൂട്ടം തൃപ്പാദപുരത്ത് കഴിഞ്ഞ ഏപ്രിൽ നാലിനായിരുന്നു സംഭവം. രാത്രി 12ഓടെ ഓട്ടോറിക്ഷയില്‍ വന്ന പ്രതികള്‍ തൃപ്പാദപുരം സ്വദേശി ചന്ദ്രന്റെ വീടിനുനേരെ നാടൻബോംബ് എറിയുകയായിരുന്നു. ബോംബേറിൽ വീടിന്റെ മേൽക്കൂര തകർന്നു.
Read Also : ബാറിൽ നിന്ന് മദ്യപിച്ചിറങ്ങിയ യുവാവിനെ ആക്രമിച്ച് കൊലപ്പെടുത്താൻ ശ്രമം : പ്രതി പിടിയിൽ
സംഭവശേഷം ഒളിവിൽ കഴിഞ്ഞു വന്ന പ്രതിയെ സൈബർ സിറ്റി അസി. കമീഷണർ ഹരി സി.എസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കഴക്കൂട്ടം എസ്.എച്ച്.ഒ പ്രവീണ്‍ ജെ.എസ്, എസ്.ഐ മിഥുൻ, സി.പി.ഒരായ സജാദ്ഖാന്‍, നസിമുദ്ദീൻ, ശ്യാം, ബിനു, അരുണ്‍ എന്നിവരടങ്ങിയ സംഘമാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കേസിലെ മറ്റൊരു പ്രതി കല്ലിംഗൽ ശരണ്യ ഭവനിൽ ശരത്തിനെ നേരത്തെ തന്നെ അറസ്റ്റ് ചെയ്തിരുന്നു.
Post Your Comments