മുക്കുപണ്ടം പണയം വച്ച് പണം തട്ടിയെടുക്കാൻ ശ്രമം : യുവാവ് പിടിയിൽ

ആലുവ: സ്വകാര്യ പണമിടപാട് സ്‌ഥാപനത്തിൽ മുക്കുപണ്ടം പണയം വച്ച് പണം തട്ടാൻ ശ്രമിച്ച കേസിലെ പ്രതി പിടിയിൽ. കണ്ണൂർ പാത്തിപ്പാലം വണ്ണാത്തി മൂലയിൽ വീട്ടിൽ അഖിൽ (34 ) ആണ് പൊലീസ് പിടിയിലായത്. ആലുവ പൊലീസാണ് പ്രതിയെ പിടികൂടിയത്.

ആലുവ ഗവ.ആശുപത്രിക്ക് സമീപമുള്ള സ്‌ഥാപനത്തിലാണ് മുക്കുപണ്ടം സ്വർണമാണെന്ന് പറഞ്ഞ് പണയം വയ്ക്കാൻ ശ്രമിച്ചത്. സ്ഥാപനം ജീവനക്കാർ നൽകിയ പരാതിയുടെ അടിസ്ഥാനത്തിലാണ് അറസ്റ്റ്.

Read Also : പാവാട മാറ്റി പാന്റ്‌ ഇട്ടാൽ ഉണ്ടാവുന്നതല്ല ലിംഗ സമത്വം, വിവാഹ പ്രായം 21 ആക്കിയതാണ് ലിംഗ സമത്വം: സന്ദീപ് വാചസ്പതി

ആലുവ സ്റ്റേഷനിൽ നിന്നുള്ള ഉദ്യോ​ഗസ്ഥരാണ് പ്രതിയെ അറസ്റ്റ് ചെയ്ത് കോടതിയിൽ ​ഹാജരാക്കിയത്. കോടതി പ്രതിയെ റിമാൻഡ് ചെയ്തു.