കബോർഡ് ജോലിക്കെത്തി സ്വർണം മോഷ്ടിച്ചു : യുവാവ് അറസ്റ്റിൽ

തൃ​പ്പൂ​ണി​ത്തു​റ: ജോ​ലി​ക്കു വ​ന്ന വീ​ട്ടി​ലെ അ​ല​മാ​ര കു​ത്തി​ത്തു​റന്നു സ്വ​ർ​ണം മോഷ്ടിച്ച കേസിൽ യുവാവ് അറസ്റ്റിൽ. തൃ​പ്പൂ​ണി​ത്തു​റ എ​ൻഎ​സ്എ​സ് കോ​ളജി​നു സ​മീ​പം മ​തി​യ​ത്ത് വീ​ട്ടി​ൽ ഷി​ജി​നെ(31) യാ​ണ് ഹി​ൽ​പാ​ല​സ് പൊ​ലീ​സ് അ​റ​സ്റ്റ് ചെ​യ്ത​ത്. യു​വാ​വ് പെ​ട്ടെ​ന്നു ത​ന്നെ പൊ​ലീ​സ് പി​ടി​യി​ലാ​കു​വാ​ൻ ഇ​ട​യാ​ക്കി​യ​തു കൈ​യിലു​ണ്ടാ​യി​രു​ന്ന സ്വ​ർ​ണ​പ്പ​ണ​യ​ച്ചീ​ട്ടാണ്.

ഹി​ൽ​പാ​ല​സി​ന​ടു​ത്തു ചി​ത്രാ​ഞ്ജ​ലി​യി​ൽ ഭ​വ​ൻ​സ് സ്കൂ​ളി​നു സ​മീ​പ​മു​ള്ള വീ​ട്ടി​ൽ നിന്നു കഴിഞ്ഞ വെള്ളിയാഴ്ചയാണ് ര​ണ്ട​ര​പ്പ​വ​ന്‍റെ സ്വ​ർ​ണം മോഷണം പോയത്. ആ​ഭ​ര​ണം ന​ഷ്ട​പ്പെ​ട്ട​ത​റി​ഞ്ഞ ശ​ര​വ​ണ​ൻ പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പ​രാ​തി​യു​ടെ അ​ടി​സ്ഥാ​ന​ത്തി​ൽ ഹി​ൽ​പാ​ല​സ് പൊലീ​സ് പ​ണി​ക്കു വ​ന്ന​വ​രെ പ​രി​ശോ​ധി​ച്ച​പ്പോ​ൾ​ത്ത​ന്നെ ഷി​ജി​ന്‍റെ പ​ഴ്സി​ൽ നിന്നു സ്വ​ർ​ണം പ​ണ​യം വ​ച്ച ര​സീ​ത് ക​ണ്ടെ​ത്തു​ക​യാ​യി​രു​ന്നു.

Read Also : ‘ഗവർണർ എന്ന് പറയുന്നത് അനാവിശ്യമായ ആർഭാടം’: കാനം രാജേന്ദ്രൻ

ഹി​ൽ​പാ​ല​സ് പോ​ലീ​സ് സ്റ്റേ​ഷ​ൻ സിഐ കെ.​ജി. അ​നീ​ഷി​ന്‍റെ നേ​തൃ​ത്വ​ത്തി​ൽ എ​സ്ഐ അ​നി​ല, എഎ​സ്ഐ സ​ന്തോ​ഷ്, സിപിഒ​മാ​രാ​യ സ​ജീ​ഷ്, ഷാ​ജി, ശ്യാം ​ആ​ർ.​ മേ​നോ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്കു റി​മാ​ൻ​ഡ് ചെ​യ്തു.