ശ്രീനഗര്‍ : കശ്മീരിലെ ഷോപ്പിയാനില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടല്‍. ഏറ്റുമുട്ടലില്‍ മൂന്ന് ഭീകരരെ സൈന്യം വധിച്ചു. ദ റെസിസ്റ്റന്‍സ് ഫ്രണ്ട് പ്രവര്‍ത്തകരായ മൂന്ന് ഭീകരരെയാണ് സൈന്യം വധിച്ചത്. സംഭവസ്ഥലത്ത് ഏറ്റുമുട്ടല്‍ തുടരുകയാണെന്നാണ് വിവരം. കൊല്ലപ്പെട്ട ഭീകരരെ ഇതുവരെ തിരിച്ചറിയാനായിട്ടില്ല. ഷോപ്പിയാനിലെ ചെക്ക്-ഇ-ചോളന്‍ പ്രദേശത്തായിരുന്നു ഏറ്റുമുട്ടല്‍.
ഭീകരരുടെ സാന്നിദ്ധ്യത്തെക്കുറിച്ച് രഹസ്യ വിവരം ലഭിച്ചതിന് പിന്നാലെ സൈന്യവും സിആര്‍പിഎഫ് ഉദ്യോഗസ്ഥരും പോലീസുകാരും ചേര്‍ന്ന് പരിശോധന തുടങ്ങിയിരുന്നു. ഇതാണ് പിന്നീട് ഏറ്റുമുട്ടലില്‍ കലാശിച്ചത്. ഒളിച്ചിരിക്കുകയായിരുന്ന ഭീകരര്‍ സൈന്യത്തിന് നേരെ വെടിയുതിര്‍ക്കുകയായിരുന്നുവെന്ന് അധികൃതര്‍ അറിയിച്ചു.
Post Your Comments