കണ്ണുകളുടെ ആരോഗ്യം കാക്കാൻ ചില പൊടിക്കൈകൾ ഇതാ..!!

മണിക്കൂറുകളോളം കമ്പ്യൂട്ടർ സ്ക്രീനിൽ നോക്കിയിരുന്ന് ജോലി ചെയ്യുന്നത് കണ്ണുകളുടെ ആയാസം കൂട്ടുന്ന കാര്യമാണ്. ഈ മഹാമാരിയുടെ കാലത്ത് ആളുകൾ ജോലി, സ്കൂൾ, സോഷ്യൽ നെറ്റ്‌വർക്കിംഗ് എന്നിവയ്ക്ക് അവരുടെ ഇലക്ട്രോണിക് ഉപകരണങ്ങൾ ഉപയോഗിക്കുന്നതിന്റെ സമയം വളരെയധികം വർദ്ധിപ്പിച്ചിരിക്കുന്നു. ഇത് കണ്ണുകളുടെ ആരോഗ്യത്തെ പ്രതികൂലമായി ബാധിക്കുന്ന അവസ്ഥ സൃഷ്ടിക്കുന്നു. അതിനാൽ കണ്ണുകളുടെ ആരോഗ്യം കാക്കാനുള്ള ചില പൊടിക്കൈകൾ നോക്കാം..

➥ പാമിംഗ്

ആയുർവേദത്തിലെ ഒരു പുരാതന വിദ്യയാണിത്. ഇത് കണ്ണുകൾക്ക് തൽക്ഷണ ആശ്വാസം നൽകുന്നു. ആദ്യം നിങ്ങളുടെ കൈപ്പത്തികൾ ഒരുമിച്ച് ചേർത്ത് ശക്തിയായി തടവുക. നിങ്ങളുടെ കണ്ണുകൾ അടച്ച് ചൂടുള്ള കൈപ്പത്തികൾ നിങ്ങളുടെ കണ്ണുകളിൽ വയ്ക്കുക. നിങ്ങളുടെ കൺപീലികളിൽ സമ്മർദ്ദം ചെലുത്താതിരിക്കാൻ നിങ്ങളുടെ കൈപ്പത്തി കപ്പ് പോലെ പൊത്തിപ്പിടിച്ചു എന്നത് ഉറപ്പാക്കുക.

പതുക്കെ ആഴത്തിൽ ശ്വാസമെടുത്ത് നിങ്ങളുടെ മൂക്കിലൂടെ ശ്വാസം കളയുക. ഏകദേശം രണ്ടു മുതൽ മൂന്ന് മിനിട്ട് വരെ ഇത് ചെയ്യുക. പാമിംഗ് പരിശീലിക്കാൻ ഏറ്റവും നല്ല സമയം രാത്രി ഉറങ്ങുന്നതിനു മുമ്പാണ്. ഇത് ഉറക്കത്തിന് ഗുണനിലവാരം വർദ്ധിപ്പിക്കും.

➥ ഐസിംഗ്

കണ്ണിലെ അമിത ചൂടിനെ പ്രതിരോധിക്കാൻ പഞ്ഞി അല്ലെങ്കിൽ കോട്ടൺ ബോൾ പനിനീരിൽ മുക്കി വെച്ച് ഇത് കണ്ണിനു മുകളിൽ വെക്കുക. ഏകദേശം അഞ്ച് മിനിറ്റ് കണ്ണടച്ചു ഇരിക്കുക. ഇത് ഉടനടി ഏതെങ്കിലും ബുദ്ധിമുട്ടിൽ നിന്ന് കണ്ണിന് ആശ്വാസം നൽകും.

➥ കുളിക്കുന്ന വെള്ളം

മൂലകങ്ങളിൽ കണ്ണ് വെളിച്ചവും അഗ്നിയുമായി ബന്ധപ്പെട്ടിരിക്കുന്നു. അതിനാൽ കണ്ണിന്റെ നല്ല ആരോഗ്യം നിലനിർത്താൻ കുളിക്കാനുപയോഗിക്കുന്ന വെള്ളം വളരെ ചൂടുള്ളതോ വളരെ തണുത്തതോ ആവരുത്. മറിച്ച് ചെറുചൂടുള്ളതായിരിക്കണമെന്ന് ആയുർവേദം ശുപാർശ ചെയ്യുന്നു. നല്ല ചൂടുവെള്ളത്തിൽ കുളിക്കുന്നത് അഗ്നി മൂലകത്തിൽ അസന്തുലിതാവസ്ഥ ഉണ്ടാക്കുന്നു.

Read Also:- ദക്ഷിണാഫ്രിക്കന്‍ പര്യടനം ഉപേക്ഷിക്കാനൊരുങ്ങി ബിസിസിഐ

➥ ശരിയായ അകലത്തിലും വെളിച്ചത്തിലും വായിക്കാൻ ശ്രമിക്കുക.

➥ ഇരുണ്ട മുറിയിൽ മൊബൈൽ ഫോണോ ലാപ്ടോപ്പോ ഉപയോഗിക്കരുത്.

➥ ഒരു യാത്രയ്ക്കിടെ പ്രതിരോധ കണ്ണടയും ഹെൽമെറ്റും ധരിക്കുക

➥ കഠിനമായ/ ശക്തമായ ഒരു പ്രകാശ സ്രോതസ്സിലേക്ക് തുറിച്ചു നോക്കരുത്.

➥ പതിവായി കണ്ണുകൾ കഴുകുക.

➥ കാഴ്ച മെച്ചപ്പെടുത്തുന്നതിനായി പച്ചപ്പും പ്രകൃതിയും ശ്രദ്ധയോടെ കാണുക.

➥ ഏറ്റവും പ്രധാനമായി നിങ്ങളുടെ കണ്ണുകൾ തിരുമ്മുന്നത് ഒഴിവാക്കുക. നിങ്ങൾക്ക് ദീർഘകാലം നിലനിർത്തേണ്ടതുണ്ട് എന്നത് ഓർമ്മിക്കുക.