യുവാവിനെ ആക്രമിച്ച സംഭവത്തിൽ ഒരാൾ കൂടി അറസ്റ്റിൽ

കൊ​ടു​വ​ള്ളി: യുവാവിനെ ആക്രമിച്ച് പരിക്കേൽപ്പിച്ച സംഭവത്തിൽ ഒരാൾ കൂടി അറസ്റ്റിൽ. മു​സ്​​ലിം യൂ​ത്ത് ലീ​ഗ് ന​ഗ​ര​സ​ഭ ക​മ്മി​റ്റി ജോ.​സെ​ക്ര​ട്ട​റി വാ​വാ​ട് എ​ര​ത്തോ​ണ​യി​ൽ എ​രേ​ര​ക്ക​ൽ മു​ഹ​മ്മ​ദ് കു​ഞ്ഞാ​വ (40)യെ ​ആ​ക്ര​മി​ച്ച് പ​രി​ക്കേ​ൽ​പി​ച്ച കേ​സി​ലാണ് ഒരാൾ കൂടി പിടിയിലായത്.

വാ​വാ​ട് സെൻറ​ർ ക​ണ്ണാ​ടി​പ്പോ​യി​ൽ അ​ബ്​​ദു​റ​ഹി​മാ​ൻ (29) എ​ന്ന ചി​ക്കു​വാ​ണ് പൊ​ലീ​സ് പി​ടി​യിലായത്. 2021 സെ​പ്​​റ്റം​ബ​ർ 14ന് ​രാ​ത്രി​യാ​ണ്​ കേ​സി​നാ​സ്പ​ദ സം​ഭ​വം.

Read Also : അസം സ്വദേശിനിയ്ക്ക് പീഡനം : കോഴിക്കോട് സ്വദേശി പിടിയിൽ

സം​ഭ​വ​ത്തി​നു​ ശേ​ഷം വി​ദേ​ശ​ത്തേ​ക്കു ക​ട​ന്ന അ​ബ്​​ദു​റ​ഹി​മാ​ൻ ക​ഴി​ഞ്ഞ ദി​വ​സം മ​ട​ങ്ങി​വ​ര​വെ ക​രി​പ്പൂ​ർ വി​മാ​ന​ത്താ​വ​ള​ത്തി​ൽ​ നി​ന്നാ​ണ് പൊ​ലീ​സ് പി​ടി​യി​ലാ​യ​ത്. വാ​വാ​ട് സെൻറ​ർ വെ​ള്ള​റ​മ്മ​ലി​ലെ ബ​ന്ധു​വീ​ട്ടി​ൽ ​നി​ന്ന്​ എ​ര​ഞ്ഞോ​ണ​യി​ലെ വീ​ട്ടി​ലേ​ക്ക് മു​ഹ​മ്മ​ദ് ബൈ​ക്കി​ൽ വ​രു​ന്ന​തി​നി​ടെ മ​റ​ഞ്ഞി​രു​ന്ന മു​ഖം​മൂ​ടി ധ​രി​ച്ച ര​ണ്ടു​പേ​ർ ബൈ​ക്കി​ന് മു​ന്നി​ലേ​ക്ക് ചാ​ടി വീ​ണ് ത​ട​ഞ്ഞു​ നി​ർ​ത്തു​ക​യും മു​ള​കു​പൊ​ടി വി​ത​റി മു​ഹ​മ്മ​ദി​നെ വ​ടി കൊ​ണ്ടും ക​മ്പി​കൊ​ണ്ടും അ​ടി​ച്ച് പ​രി​ക്കേ​ൽ​പി​ക്കു​ക​യാ​യി​രു​ന്നു​വെ​ന്നാ​ണ് കേ​സ്.

കേ​സിലെ മറ്റൊരു പ്ര​തി​യാ​യ പാ​റ​ക്ക​ൽ സ​ക്കീ​റി​നെ കൊ​ടു​വ​ള്ളി പൊ​ലീ​സ് നേ​ര​ത്തേ പി​ടി​കൂ​ടി​യി​രു​ന്നു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.