കിണറ്റില്‍ നിന്ന് നിലയ്ക്കാത്ത അജ്ഞാത ശബ്ദം : വീട്ടുകാരും നാട്ടുകാരും ആശങ്കയിൽ

നരിക്കുനി: കിണറ്റിൽ നിന്നുള്ള നിലയ്ക്കാത്ത അജ്ഞാത ശബ്​ദം വീട്ടുകാരെയും നാട്ടുകാരെയും ആശങ്കയിലാഴ്​ത്തുന്നു. ചേളന്നൂർ ബ്ലോക്ക് പഞ്ചായത്ത് അംഗം പുന്നശ്ശേരി വേലൻകണ്ടി മോഹന​‍ൻെറ തറവാട് വീട്ടിലെ കിണറിൽ നിന്നാണ് ശബ്ദം കേൾക്കുന്നത്. തിങ്കളാഴ്ച രാവിലെ മുതലാണ് ശബ്​ദം കേൾക്കാൻ തുടങ്ങിയത്.

Read Also : ശക്തമായ ഇടിമിന്നലിൽ വിദ്യാര്‍ത്ഥിയുടെ കാൽ തുളഞ്ഞു : പരിക്ക് വെടിയുണ്ടയേറ്റതിന് സമാനം

പശുവിന് വെള്ളം കൊടുക്കാൻ മോഹന​‍ൻെറ സഹോദരൻ എത്തിയപ്പോഴാണ് കിണറ്റിൽ നിന്ന് ശബ്​ദം കേൾക്കുന്നത് ശ്രദ്ധയിൽ പെട്ടത്. 18 കോൽ ആഴമുള്ള കിണറിലേക്ക് നോക്കിയപ്പോൾ ഒന്നും തന്നെ കാണാനായില്ല. ഉടനെ പരിസരവാസികളെ വിളിച്ച്​ അറിയിച്ചു. വെള്ളം ഒലിച്ചിറങ്ങുന്ന പോലെയുള്ള ശബ്​ദമാണ് കേൾക്കുന്നതെങ്കിലും കിണറ്റിലെ വെള്ളത്തിന് ഒരു ചലനവുമില്ല എന്നതാണ് നാട്ടുകാരെ ആശങ്കയിലാഴ്‌ത്തുന്നത്.

സംഭവസ്ഥലം കാക്കൂർ ഗ്രാമപഞ്ചായത്ത് പ്രസിഡൻറ് സി.എം. ഷാജിയും ഉദ്യോഗസ്ഥരും സന്ദർശിച്ചു. ഇവർ ജിയോളജി വകുപ്പുമായും ബന്ധപ്പെട്ടിട്ടുണ്ട്.