‘ഞാൻ ഞെട്ടിപ്പോയി,കാർഷികനിയമം പിൻവലിച്ചതിനു പിന്നിൽ എന്തോ അജണ്ട’, സർക്കാർ ഒരിക്കലും കീഴടങ്ങുന്നവരല്ല- ടികായത്തിന് സംശയം

ന്യൂഡൽഹി: വിവാദമായ മൂന്നു കാർഷിക ബില്ലുകൾ പിൻവലിച്ചതിൽ ഏറ്റവും കൂടുതൽ ഞെട്ടൽ ടികായത്തിന്  . പ്രധാനമന്ത്രി മോദി ഇത്രയും വേഗം കാർഷിക നിയമങ്ങൾ പിൻവലിക്കില്ലെന്നാണ് ഇവർ കരുതിയിരുന്നത്. ഇത് കണക്കുകൂട്ടി നിരവധി ഇലക്ഷൻ പ്രചാരണങ്ങൾ കോൺഗ്രസ് ഉൾപ്പെടെയുള്ള പാർട്ടികൾക്ക് വേണ്ടി ഉത്തർപ്രദേശിലും പഞ്ചാബിലും നടത്താനായിരുന്നു കർഷക സമര നേതാക്കളുടെ പദ്ധതി. എന്നാൽ ഇതെല്ലാം അമ്പേ പാളിപ്പോയി.

എങ്കിലും ഇപ്പോൾ പുതിയ ആവശ്യങ്ങളുമായി സമരം തുടരാനാണ് തങ്ങളുടെ തീരുമാനമെന്നാണ് ഇവർ പറയുന്നത്. ഉത്തർപ്രദേശിൽ നേരത്തെ തീരുമാനിച്ചത് പോലെ കർഷക മഹാപഞ്ചായത് നടത്താനാണ് ടൈക്കത്തിന്റെ തീരുമാനം. കൂടാതെ പാർലമെന്റിലേക്കുള്ള ട്രാക്ടർ റാലിയും തീരുമാനിച്ചിട്ടുണ്ട്.

മിനിമം താങ്ങുവില ഉറപ്പാക്കാൻ നിയമനിർമാണം, വൈദ്യുതി നിയമ ഭേദഗതി ബിൽ റദ്ദാക്കുക, ഡൽഹിയിൽ വായുമലിനീകരണം തടയുന്നതു സംബന്ധിച്ച നിയമത്തിൽ കർഷകരെ കുറ്റക്കാരാക്കുന്ന ഭാഗം ഒഴിവാക്കുക, കർഷക സമരവുമായി ബന്ധപ്പെട്ട് വിവിധ സംസ്ഥാനങ്ങളിൽ എടുത്ത കേസുകൾ റദ്ദാക്കുക, ലഖിംപുർ ഖേരി കൊലപാതകവുമായി ബന്ധപ്പെട്ട് കേന്ദ്ര ആഭ്യന്തര സഹമന്ത്രി അജയ് മിശ്രയെ സ്ഥാനത്തു നിന്ന് പുറത്താക്കി അറസ്റ്റു ചെയ്യുക,തുടങ്ങി ആവശ്യങ്ങളാണ് ഇവർ ഉന്നയിക്കുന്നത്.

എന്നാൽ ട്രാക്ടർ കലാപത്തിനെ കുറിച്ച് ഒരക്ഷരം ഇവർ മിണ്ടുന്നുമില്ല. ‘പത്രപ്രവർത്തകൻ’ അജിത് അൻജൂമിനോട് സംസാരിക്കവെ, കാർഷിക നിയമങ്ങൾ തിരിച്ചെടുക്കാനുള്ള സർക്കാരിന്റെ തീരുമാനത്തിൽ അദ്ദേഹം ആശ്ചര്യപ്പെട്ടു. പ്രധാനമന്ത്രി തന്റെ ആവശ്യങ്ങൾ അംഗീകരിച്ചതിനാൽ കർഷക പ്രതിഷേധം തുടരേണ്ടതിന്റെ ആവശ്യകതയെക്കുറിച്ച് ചോദിച്ചപ്പോൾ രാകേഷ് ടികായത് പറഞ്ഞു, ‘അദ്ദേഹം (PM)താഴേക്ക് വന്നതിനാൽ, അവരുടെ മനസ്സിൽ ഒരു പദ്ധതിയുണ്ടെന്ന് എനിക്ക് ഉറപ്പുണ്ട്. ആരെങ്കിലും ഉയർന്ന സ്ഥലത്ത് നിന്ന് താഴേക്ക് വന്നിട്ടുണ്ടെങ്കിൽ, അത് ഒരു പദ്ധതി തയ്യാറാക്കുന്നതിനെ സൂചിപ്പിക്കുന്നു എന്നും ടികായത് പറയുന്നു.

‘അദ്ദേഹം (പ്രധാനമന്ത്രി മോദി) അനുരഞ്ജന സ്വരത്തിലാണ് സംസാരിച്ചത്. എനിക്ക് സംശയമുണ്ട്. പലഹാരക്കാരന്റെ പലഹാരത്തേക്കാൾ മധുരമായിരുന്നു അദ്ദേഹത്തിന്റെ സ്വരത്തിന്, പ്രകടനങ്ങൾ അവസാനിപ്പിക്കാൻ തനിക്ക് പദ്ധതിയില്ലെന്ന് സൂചന നൽകിയ രാകേഷ് ടികായത്, പാർലമെന്റിൽ മിനിമം താങ്ങുവില (എംഎസ്പി) ഉറപ്പുനൽകുന്ന നിയമം പാസാക്കുന്നതുവരെ പ്രതിഷേധം തുടരുമെന്ന് പറഞ്ഞു. കർഷകരെ ബാധിക്കുന്ന മറ്റ് പ്രശ്‌നങ്ങൾ പരിശോധിക്കാൻ ഒരു കമ്മിറ്റി രൂപീകരിക്കണമെന്നും അദ്ദേഹം കൂട്ടിച്ചേർത്തു. അപ്പോൾ മാത്രമേ കർഷക പ്രക്ഷോഭകർക്ക് വീട്ടിലേക്ക് മടങ്ങുന്നതിനെക്കുറിച്ച് ചിന്തിക്കാൻ കഴിയൂ, ടികായത് പ്രഖ്യാപിച്ചു.