ദുബായ്: ദുബായിയിൽ പുതിയ നാലുവരി പാലം ഗതാഗതത്തിനായി തുറന്നു നൽകി ആർടിഎ. അൽ ഐൻ റോഡിന് കുറുകെ അൽ മനാമയെയും അൽ മൈദാൻ സ്ട്രീറ്റിനെയും ബന്ധിപ്പിക്കുന്ന പുതിയ പാലമാണ് ഗതാഗതത്തിനായി തുറന്നു നൽകിയത്.
Read Also: മാരകായുധവുമായി വീട്ടിൽ അതിക്രമിച്ച് കയറി വീട്ടമ്മയെ ആക്രമിച്ചു : പ്രതി അറസ്റ്റിൽ
328 മീറ്റർ നീളമുള്ള പാലത്തിൽ ഓരോ ദിശയിലും 4 വരികൾ ഉൾക്കൊള്ളുന്നു. മണിക്കൂറിൽ 16,000 വാഹനങ്ങൾ പാലത്തിൽ ഉൾക്കൊളളും. ദുബായ്-അൽ ഐൻ റോഡ് ഇംപ്രൂവ്മെന്റ് പദ്ധതിയുടെ ഭാഗമായാണ് അൽ മനാമയെയും അൽ മൈദാൻ സ്ട്രീറ്റിനെയും ബന്ധിപ്പിക്കുന്ന പുതിയ പാലമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി എക്സിക്യൂട്ടീവ് ഡയറക്ടേഴ്സ് ചെയർമാനും ഡയറക്ടർ ജനറലുമായ മട്ടാർ മുഹമ്മദ് അൽ തായർ പറഞ്ഞു.
എമിറേറ്റ്സ് റോഡുമായുള്ള കവല മുതൽ ബു കദ്ര, റാസൽ ഖോർ കവല വരെയുള്ള 17 കിലോമീറ്റർ ദൈർഘ്യത്തിൽ ആറ് പ്രധാന കവലകൾ നിർമ്മിക്കുകയും ഓരോ ദിശയിലും 3 മുതൽ 6 വരെ പാത വീതി കൂട്ടുകയും ചെയ്യുകയെന്നതും പദ്ധതി പരിധിയിലുണ്ടെന്ന് അദ്ദേഹം വ്യക്തമാക്കി.
അൽ മനാമ സ്ട്രീറ്റിന്റെയും ദുബായ് അൽ ഐൻ റോഡിന്റെയും ഇന്റർസെക്ഷനിലെ ഗതാഗത പാതകൾ അടയാളപ്പെടുത്തുന്നതും അൽ മൈദാൻ, അൽ മനാമ സ്ട്രീറ്റുകളെ ബന്ധിപ്പിക്കുന്നതിനും മെയ്ദാൻ വികസന പദ്ധതികൾക്ക് സേവനം നൽകുന്നതിനുമായി ഓരോ ദിശയിലും 4 കരകളുള്ള പാലം നിർമ്മിക്കുന്നതും പദ്ധതിയിൽ ഉൾപ്പെടുന്നു. ഇന്റർസെക്ഷൻ ട്രാഫിക് സുരക്ഷ മെച്ചപ്പെടുത്തുകയും തിരക്കുള്ള സമയങ്ങളിൽ ഇന്റർസെക്ഷനിലെ ഗതാഗതം സുഗമമാക്കുകയും ചെയ്യുമെന്ന് അദ്ദേഹം കൂട്ടിച്ചേർത്തു.
Post Your Comments