ദില്ലി: ക്രിപ്റ്റോ കറന്‍സി ദുരുപയോഗം ചെയ്യപ്പെടാതിരിക്കാന്‍ ജനാധിപത്യരാഷ്ട്രങ്ങള്‍ ഒരുമിക്കണമെന്ന് പ്രധാനമന്ത്രി നരേന്ദ്ര മോദി. ഡിജിറ്റല്‍ വിപ്ലവമുണ്ടാക്കിയ വെല്ലുവിളികള്‍ നേരിടാന്‍ സമാന ചിന്തയുള്ള രാഷ്ട്രങ്ങള്‍ ഒരുമിക്കണമെന്നും, സാങ്കേതികവിദ്യയും ഡാറ്റയും പുതിയ ആയുധങ്ങളാണെന്നും പ്രധാനമന്ത്രി പറഞ്ഞു.
‘സിഡ്നി ഡയലോഗി’ല്‍ നടത്തിയ വെര്‍ച്വല്‍ പ്രഭാഷണത്തിലാണ് മോദി ഇക്കാര്യം വിശദീകരിച്ചത് (സൈബര്‍-ആധുനിക സാങ്കേതിക വിദ്യയും ഡിജിറ്റല്‍ മേഖലയും ലോകത്തിലെ നിയമവ്യവസ്ഥയില്‍ ഉയര്‍ത്തുന്ന വെല്ലുവിളികള്‍ സംബന്ധിച്ച വാര്‍ഷിക ഉച്ചകോടിയാണ് ‘സിഡ്നി ഡയലോഗ്’).
‘ഇത് എങ്ങനെ ഉപയോഗിക്കണമെന്നത് രാഷ്ട്രങ്ങളുടെ താല്‍പര്യമാണ്. പൊതു അഭിപ്രായങ്ങള്‍ വ്യാജമായി നിര്‍മിക്കാനുള്ള ശ്രമങ്ങള്‍ തടയാനും ഭാവി സാങ്കേതിക വിദ്യയുടെ നിര്‍മാണത്തിനും വിതരണത്തിനും ജനാധിപത്യ രാജ്യങ്ങള്‍ കൈകോര്‍ക്കണം’, പ്രധാനമന്ത്രി വ്യക്തമാക്കി.
Post Your Comments