ചണ്ഡിഗഡ്: പഞ്ചാബിൽ ആം ആദ്മിയ്ക്ക് വേണ്ടി മത്സരിക്കാൻ ഗുസ്തി താരം ഗ്രേറ്റ് ഖലിയെ രംഗത്തിറക്കുന്നുവെന്ന് റിപ്പോർട്ട്‌. ലോകപ്രശസ്ത റെസ്ലിങ് താരം ദ ഗ്രേറ്റ് ഖലി ആം ആദ്മിക്ക് പിന്തുണ പ്രഖ്യാപിച്ച് രംഗത്തു വന്നിട്ടുണ്ട്. ഇന്ന് ഡല്‍ഹി മുഖ്യമന്ത്രി അരവിന്ദ് കെജ്രിവാളുമായി നടത്തിയ കൂടിക്കാഴ്ചയിലായിരുന്നു ഖലി ഇക്കാര്യം വ്യക്തമാക്കിയതെന്ന് മാധ്യമങ്ങൾ റിപ്പോർട്ട്‌ ചെയ്യുന്നു.
Also Read:പുത്തന്‍ കുരിശിലെ യുവാവിന്റെ മരണം കൊലപാതകം; സഹോദരന്‍ അറസ്റ്റില്‍
കെജ്രിവാളാണ് കൂടിക്കാഴ്ചയുടെ വിവരം പുറത്തുവിട്ടത്. ഖലിക്കൊപ്പമുള്ള ചിത്രം ട്വീറ്റ് ചെയ്ത കെജ്രിവാള്‍ ആം ആദ്മി സര്‍ക്കാരിന്റെ പ്രവര്‍ത്തനങ്ങളെ താരം പ്രകീര്‍ത്തിച്ചതായും അറിയിച്ചു. വൈദ്യുതി, കുടിവെള്ളം, സ്‌കൂളുകള്‍, ആശുപത്രികള്‍ തുടങ്ങിയ മേഖലകളില്‍ ഡല്‍ഹി സര്‍ക്കാരിന്റെ പ്രകടനത്തെയാണ് ഖലി പ്രശംസിച്ചതെന്നാണ് റിപ്പോർട്ട്‌.
അതേസമയം, വാർത്ത പുറത്തു വന്നതോടെ സാമൂഹ്യമാധ്യമങ്ങളും സംഭവത്തെ വിമർശിച്ചും ട്രോളിയും രംഗത്തു വന്നിട്ടുണ്ട്. മലർത്തിയടിക്കാൻ ഇത് ഗുസ്തിയല്ല തിരഞ്ഞെടുപ്പാണെന്നാണ് സാമൂഹ്യമാധ്യമങ്ങളുടെ പ്രതികരണം.
Post Your Comments