കൊച്ചി: മോന്‍സണ്‍ കേസില്‍ കെപിസിസി പ്രസിഡന്റ് കെ. സുധാകരന് വേണ്ടി ഒത്തുതീര്‍പ്പ് ശ്രമം നടത്തിയതായി പരാതിക്കാരുടെ ആരോപണം. യൂത്ത് കോണ്‍ഗ്രസ് നേതാവായ എബിന്‍ ആണ് പരാതിക്കാരുമായി രണ്ട് ദിവസം മുമ്പ് കൂടിക്കാഴ്ച നടത്തിയത്. കൊച്ചിയിലെ ഹോട്ടല്‍ മുറിയില്‍ വച്ച് നടന്ന ചര്‍ച്ചയുടെ ദൃശ്യങ്ങള്‍ പുറത്തു വന്നിട്ടുണ്ട്.
Read Also : ചോദ്യം ചെയ്യാൻ വിളിച്ചുവരുത്തിയ യുവതിയെ നഗ്നനൃത്തം ചെയ്യിച്ചു: വിവാദമായതോടെ ഉദ്യോഗസ്ഥയ്ക്കെതിരെ നടപടി
എബിന്‍ പലവട്ടം ഫോണില്‍ വിളിച്ച് സംസാരിച്ച ശേഷം നേരിട്ട് കാണണമെന്ന് ആവശ്യം ഉന്നയിക്കുകയായിരുന്നുവെന്ന് പരാതിക്കാരനായ ഷമീര്‍ പറഞ്ഞു. സുധാകരനെ അനാവശ്യമായി കേസിലേക്ക് വലിച്ചിഴയ്ക്കരുതെന്നായിരുന്നു എബിന്റെ ആവശ്യം.
സംഭവം പുറത്ത് വന്നതോടെ പരാതിക്കാരെ കണ്ടത് ഒത്തുതീര്‍പ്പിനല്ലെന്ന് എബിനും പറഞ്ഞു. പരാതിക്കാരെ മുന്‍പരിചയമുണ്ടെന്നും യാദൃശ്ചികമായിട്ടാണ് കൂടിക്കാഴ്ച നടന്നതെന്നുമാണ് അദ്ദേഹത്തിന്റെ വാദം. ഒത്തുതീര്‍പ്പിന്റെ ആവശ്യം ഈ കേസിലില്ലെന്നും കൂടിക്കാഴ്ചയില്‍ അസ്വാഭാവികത കാണേണ്ടെന്നും എബിന്‍ പറഞ്ഞു. മുമ്പ് മോന്‍സണിനെ സുധാകരന് സന്ദര്‍ശിച്ചിരുന്നതിന്റെ തെളിവുകളും പുറത്തു വന്നിരുന്നു.
Post Your Comments