ശാസ്താംകോട്ട : സമൂഹമാധ്യമത്തിലൂടെ പരിചയപ്പെട്ട പെണ്‍കുട്ടിയെ പ്രണയം നടിച്ച് തട്ടിക്കൊണ്ടുപോയി പീഡിപ്പിച്ച കേസിലെ പ്രതി അറസ്റ്റില്‍. പുത്തൂര്‍ കരിമ്പിന്‍പുഴ മല്ലികമന്ദിരത്തില്‍ അമല്‍ വിഷ്ണു (24) വാണ് അറസ്റ്റിലായത്. ശാസ്താംകോട്ട പൊലീസ് ആണ് അമലിനെ അറസ്റ്റ് ചെയ്തത്.
‘ഇന്‍സ്റ്റാഗ്രാമിലൂടെ പരിചയപ്പെട്ട പെണ്‍കുട്ടിയെ ഇയാള്‍ ലൈംഗികചൂഷണത്തിന് വിധേയയാക്കി. വിവാഹവാഗ്ദാനം നല്‍കി ലൈംഗിക പീഡനം തുടര്‍ന്നു. പിന്നീട് വാഗ്‌ദാനത്തില്‍ നിന്ന്‌ പിന്മാറി. തുടര്‍ന്ന് പെണ്‍കുട്ടി പൊലീസില്‍ പരാതി നല്‍കി.’ പൊലീസ് വ്യക്തമാക്കി. ശാസ്താംകോട്ട കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Read Also: പാണിയേലിയില്‍ പുലിയിറങ്ങി : വളര്‍ത്തുനായയെ ആക്രമിച്ച് കൊന്നു
വ്യത്യസ്ത സാഹചര്യത്തിൽ പതിനാറു വയസ്സുകാരിയെ പ്രണയം നടിച്ച് പീഡിപ്പിച്ചെന്ന പരാതിയിൽ യുവാവ് അറസ്റ്റിലായി. പള്ളിക്കൽ സ്വദേശി ഇളംപള്ളിൽ തെങ്ങിനാൽ വിളയിൽ വടക്കേതിൽ വീട്ടിൽ അനന്തു (23) ആണ് അറസ്റ്റിലായത്.
പെൺകുട്ടിയുടെ ബന്ധുക്കൾ നൽകിയ പരാതിയിലാണ് അറസ്റ്റ്. പ്രായപൂർത്തിയാകാത്ത പെൺകുട്ടി ആയതിനാൽ പോക്സോ നിയമപ്രകാരം ആണ് പ്രതിയ്ക്കെതിരെ കേസ് എടുത്തിരിക്കുന്നത്.
അടൂർ സി.ഐ ടി.ഡി. പ്രജീഷിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
Post Your Comments