പഞ്ചാബ് നാഷണൽ ബാങ്കിൽ മു​ക്കു​പ​ണ്ടം പ​ണ​യം​വെ​ച്ച് അരക്കോടി തട്ടിയെടുത്തു : രണ്ടുപേർ കൂടി അറസ്​റ്റിൽ

ത​ളി​പ്പ​റ​മ്പ്: മു​ക്കു​പ​ണ്ടം പ​ണ​യം​വെ​ച്ച് 50 ല​ക്ഷ​ത്തോ​ളം രൂ​പ ത​ട്ടി​യ കേ​സി​ൽ ര​ണ്ട് പ്ര​തി​ക​ൾ കൂ​ടി അ​റ​സ്​​റ്റിൽ. പു​ളി​മ്പ​റ​മ്പ സ്വ​ദേ​ശി കെ. ​ജ​യ​പ്ര​സാ​ദ് (50), ഏ​ഴാം​മൈ​ൽ സ്വ​ദേ​ശി സി. ​വേ​ണു​ഗോ​പാ​ല​ൻ (74) എ​ന്നി​വരാ​ണ് പൊലീസ് പിടിയിലായത്. എ​സ്.​ഐ പി.​സി. സ​ഞ്ജ​യ്‌ കു​മാ​റിന്റെ നേ​തൃ​ത്വ​ത്തി​ൽ അ​റ​സ്​​റ്റു ചെ​യ്ത​ത്. പ​ഞ്ചാ​ബ് നാഷണൽ ബാ​ങ്ക് ത​ളി​പ്പ​റ​മ്പ് ശാ​ഖ​യി​ലാണ് പ്രതികൾ മുക്കുപണ്ടം പണയം വെച്ച് പണം തട്ടിയത്.

ഇ​തോ​ടെ കേസിൽ അ​റ​സ്​​റ്റി​ലാ​യ പ്ര​തി​കളുടെ എണ്ണം ഒ​മ്പ​താ​യി. മു​ക്കു​പ​ണ്ടം പ​ണ​യം വെ​ച്ച് ല​ക്ഷ​ങ്ങ​ൾ ത​ട്ടി​യ 17 പ്ര​തി​ക​ളു​ള്ള കേ​സി​ൽ നേ​രി​ട്ട് പ​ങ്കു​ള്ള ര​ണ്ടു പേ​രെ​യാ​ണ് തി​ങ്ക​ളാ​ഴ്ച ഉ​ച്ച​യോ​ടെ പൊ​ലീ​സ് പി​ടി​കൂ​ടി​യ​ത്. 31 അ​ക്കൗ​ണ്ടു​ക​ളി​ൽ നി​ന്ന് 50 ല​ക്ഷ​ത്തോ​ളം രൂ​പയാണ് ബാ​ങ്കി​ൽ നി​ന്നും ന​ഷ്​​ട​പ്പെ​ട്ടത്.

Read Also: മാരക മയക്കുമരുന്നുമായി യുവാവ് അറസ്റ്റിൽ

സം​ഭ​വ​ത്തി​ൽ നേ​രി​ട്ട് പ​ങ്കു​ണ്ടെ​ന്ന് ക​രു​തു​ന്ന ര​ണ്ടു പേ​രു​ടെ മു​ൻ‌​കൂ​ർ ജാ​മ്യ​പേ​ക്ഷ അ​ടു​ത്ത ദി​വ​സം ഹൈ​കോ​ട​തി പ​രി​ഗ​ണി​ക്കും. ഹൈ​കോ​ട​തി​യി​ൽ മു​ൻ‌​കൂ​ർ ജാ​മ്യ​പേ​ക്ഷ ത​ള്ളി​യ​തി​നെ​തു​ട​ർ​ന്ന്​ പു​ളി​മ്പ​റ​മ്പ് സ്വ​ദേ​ശി എം.​എ​സ്. കു​ഞ്ഞു​മോ​ൻ, കീ​ഴാ​റ്റൂ​ർ സ്വ​ദേ​ശി എം. ​ല​ക്ഷ്മ​ണ​ൻ, തൃ​ച്ഛം​ബ​രം സ്വ​ദേ​ശി അ​ബു ഹു​ദി​ഫ എ​ന്നി​വ​ർ നേ​ര​ത്തേ പൊ​ലീ​സ് സ്​​റ്റേ​ഷ​നി​ൽ കീ​ഴ​ട​ങ്ങു​ക​യും ത​ളി​പ്പ​റ​മ്പ് സ്വ​ദേ​ശി​ക​ളാ​യ കെ.​പി. വ​സ​ന്ത​രാ​ജ്, വി.​വി. രാ​ജേ​ന്ദ്ര​ന്‍, കൊ​റ്റി​യാ​ൽ മോ​ഹ​ന​ൻ, വി.​വി. മു​ര​ളീ​ധ​ര​ൻ എ​ന്നി​വ​രെ പൊ​ലീ​സ് അ​റ​സ്​​റ്റു ചെ​യ്യു​ക​യും ചെ​യ്തി​രു​ന്നു.

എ​സ്.​ഐ പി.​സി. സ​ഞ്ജ​യ്‌ കു​മാ​റിന്റെ നേ​തൃ​ത്വ​ത്തി​ലുള്ള സംഘമാണ് പ്രതികളെ അ​റ​സ്​​റ്റു ചെ​യ്ത​ത്. ത​ളി​പ്പ​റ​മ്പ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.