കൊച്ചി: മുന്‍ മിസ് കേരള അന്‍സി കബീറിന്റേയും റണ്ണര്‍ അപ്പ് അഞ്ജന ഷാജന്റേയും സുഹൃത്ത് മുഹമ്മദ് ആിഖിന്റേയും മരണവുമായി ബന്ധപ്പെട്ട് കൊച്ചി നമ്പര്‍ 18 ഹോട്ടലില്‍ പോലീസ് പരിശോധന നടത്തി. ഈ ഹോട്ടലില്‍ നടന്ന പാര്‍ട്ടിക്ക് ശേഷം തിരികെ മടങ്ങുമ്പോഴാണ് വാഹനാപകടം ഉണ്ടായത്. വാഹനത്തിന്റെ ഡ്രൈവറും മാള സ്വദേശിയുമായ അബ്ദുള്‍ റഹ്മാന്റെ അറസ്റ്റ് പോലീസ് കഴിഞ്ഞ ദിവസം രേഖപ്പെടുത്തിയിട്ടുണ്ട്. മദ്യപിച്ചാണ് വാഹനം ഓടിച്ചതെന്ന് ഇയാള്‍ പോലീസിന് മൊഴി നല്‍കിയിരുന്നു.
Read Also : മുല്ലപ്പെരിയാര്‍ മരം മുറി : സംസ്ഥാന സര്‍ക്കാര്‍ തമിഴ്‌നാടുമായി ഒത്തുകളിക്കുകയാണെന്ന് മുരളീധരന്‍
ഇയാളുടെ മൊഴിയുടെ അടിസ്ഥാനത്തിലാണ് ഹോട്ടലില്‍ പരിശോധന നടത്തുന്നത്. ഇയാള്‍ മദ്യം ഉപയോഗിച്ചതിന് തെളിവ് ശേഖരിക്കുന്നതിന് പുറമെ, മറ്റേതെങ്കിലും ലഹരി വസ്തുക്കള്‍ ഉപയോഗിച്ചിരുന്നോ എന്ന കാര്യവും പരിശോധിക്കും. ഹോട്ടലിലെ സിസിടിവി ദൃശ്യങ്ങള്‍ ഉള്‍പ്പെടെ പരിശോധിക്കുന്നുണ്ട്.
ഈ മാസം ഒന്നിന് പുലര്‍ച്ചെയാണ് ദേശീയപാതയില്‍ നിയന്ത്രണം വിട്ട കാര്‍ മീഡിയനിലെ മരത്തില്‍ ഇടിച്ച് അപകടമുണ്ടായത്. അന്‍സിയും അഞ്ജനയും സംഭവ സ്ഥലത്ത് വച്ച് തന്നെ മരിച്ചിരുന്നു. ചികിത്സയിലായിരുന്ന മുഹമ്മദ് ആഷിഖ് കഴിഞ്ഞ ദിവസമാണ് മരിച്ചത്.
Post Your Comments