ലോകത്തെ തന്നെ ഏറ്റവും വില കൂടിയ മാസ്‌ക്, അപൂർവയിനം വജ്രം ഉപയോഗിച്ച് നിർമ്മാണം: വില കേട്ടാൽ ഞെട്ടും

ജിദ്ദ: ഒരു മാസ്‌കിന്റെ വില 11 കോടി രൂപ. ഞെട്ടേണ്ട, സംഗതി സത്യം തന്നെയാണ്. ലോകത്തെ തന്നെ ഏറ്റവും വില കൂടിയ മാസ്‌കാണിത്. 3,608 ഡയമണ്ടുകളും സ്വർണവും ഉപയോഗിച്ചാണ് ഈ മാസ്‌ക് നിർമ്മിച്ചിരിക്കുന്നത്. വെള്ളയും കറുപ്പും നിറത്തിലുള്ള ഈ മാസ്‌കുകൾ റിയാദിൽ നടക്കുന്ന റിയാദ് സീസണിലെ പ്രധാന വേദികളിൽ ഒന്നായ റിയാദ് ഫ്രണ്ടിലെ ജ്വല്ലറി സലൂൺ പ്രദർശന മേളയിൽ പ്രദർശിപ്പിച്ചു.

അമേരിക്കയിലെ ലൊസാഞ്ചലസിൽ കഴിയുന്ന സമ്പന്നനാണ് മാസ്‌കിന്റെ ഉടമസ്ഥൻ. മൂന്ന് പാളികളാണ് ഈ മാസ്‌കിലുള്ളത്. മാസ്‌കിന്റെ ആദ്യ പാളി പൂർണമായും അപൂർവയിനം വജ്രം ഉപയോഗിച്ചാണ് നിർമ്മിച്ചിരിക്കുന്നത്. രണ്ടാം പാളി എൻ 99 മാസ്‌കും മൂന്നാം പാളി ഫിൽട്ടറുമാണ്. ആരോഗ്യ സുരക്ഷ ഉറപ്പാക്കുന്നതിന് അമേരിക്കൻ ഫുഡ് ആൻഡ് ഡ്രഗ് അതോറിറ്റിയുടെ അംഗീകാരം നേടിയിട്ടുണ്ടെന്നതാണ് ഈ മാസ്‌കിന്റെ മറ്റൊരു പ്രത്യേകത.

അഫ്ഗാനിസ്ഥാൻ-ന്യൂസിലൻഡ് മത്സരത്തിന് തൊട്ടുമുമ്പ് ഇന്ത്യൻ വംശജനായ പിച്ച് ക്യുറേറ്ററെ മരിച്ചനിലയിൽ കണ്ടെത്തി: ദുരൂഹത

അമേരിക്കൻ വജ്രാഭരണ ബ്രാൻഡായ ‘ഇവൽ’ ജ്വല്ലറിയാണ് മാസ്‌ക് നിർമ്മിച്ചത്. കമ്പനിയുടെ സ്ഥാപകനും ഉടമസ്ഥനുമായ ഇസാഖ് ലെവിയാണ് മാസ്‌ക് ഡിസൈൻ ചെയ്തത്. വജ്ര, സ്വർണ പണി രംഗത്തെ 41 കലാകാരന്മാർ ഒൻപത് മാസം കൊണ്ടാണ് മാസ്‌കിന്റെ നിർമ്മാണം പൂർത്തീകരിച്ചത്.