ദുബായ്: യുഎഇയിൽ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം. യുഎഇയിലെ കാലാവസ്ഥ ഭാഗികമായി മേഘാവൃതമായിരിക്കുമെന്നും ചില പ്രദേശങ്ങളിൽ വ്യാഴാഴ്ച മഴ പെയ്യുമെന്നുമാണ് കാലാവസ്ഥാ നിരീക്ഷണ കേന്ദ്രം അറിയിച്ചിരുന്നത്.
ഉച്ചയോടെ കിഴക്കോട്ട് നേരിയ മഴ പ്രതീക്ഷിക്കുന്നതായാണ് കാലാവസ്ഥാ പ്രവചനം. രാജ്യത്തിന്റെ വിവിധ ഭാഗങ്ങളിൽ കനത്ത മൂടൽ മഞ്ഞും അനുഭവപ്പെട്ടിരുന്നു. ഡ്രൈവർമാർ ജാഗ്രത പാലിക്കണമെന്നും കാലാവസ്ഥാ വിദഗ്ധർ വ്യക്തമാക്കിയിരുന്നു. വ്യാഴാഴ്ച്ച രാത്രിയും വെള്ളിയാഴ്ച്ച രാവിലെയും ഈർപ്പമുള്ള കാലാവസ്ഥയായിരിക്കുമെന്നും വിദഗ്ധർ അറിയിച്ചു. നേരിയതോ മിതമായതോ ആയ കാറ്റു വിശാനും സാധ്യതയുണ്ട്.
Post Your Comments