നീറ്റ് പരീക്ഷ ഫലം പ്രസിദ്ധീകരിച്ചു : സംസ്ഥാന റാങ്ക് പട്ടിക 20 ദിവസത്തിനുള്ളിൽ

തിരുവനന്തപുരം: നീറ്റ് പരീക്ഷ ഫലം പ്രസിദ്ധീകരിച്ചു. സംസ്ഥാന റാങ്ക് പട്ടിക 15-20 ദിവസത്തിനുള്ളിൽ പ്രസിദ്ധീകരിക്കുമെന്ന് അധികൃതർ അറിയിച്ചു. ഇതോടെ കേരളത്തിലെ പ്രവേശന നടപടികൾക്ക്‌ തുടക്കമാകും. ഇതിനായി നീറ്റ്​ പരീക്ഷ നടത്തുന്ന നാഷനൽ ടെസ്​റ്റിങ്​ ഏജൻസിയിൽനിന്ന്​ ​ കേരളത്തിൽനിന്ന്​ യോഗ്യത നേടിയ കുട്ടികളുടെ വിവരം പ്രവേശന പരീക്ഷ കമീഷണറേറ്റ്​ ശേഖരിക്കും.

Also Read : കോണ്‍ഗ്രസ് അംഗത്വവിതരണത്തിന് തുടക്കമായി: തിരഞ്ഞെടുപ്പ് നടത്തുക എന്നത് ഭാരിച്ച ഉത്തരവാദിത്തമാണെന്ന് കെ സുധാകരൻ15 ശതമാനം അഖിലേന്ത്യ ക്വോട്ടയിൽ കേന്ദ്ര ആരോഗ്യമന്ത്രാലയത്തിന്​ കീഴിലുള്ള മെഡിക്കൽ കൗൺസലിങ്​ കമ്മിറ്റിയാണ്​ പ്രവേശന നടപടികൾ നടത്തുക. ഇതിനുശേഷം വിദ്യാർഥികൾക്ക്​ നീറ്റ്​ മാർക്ക്​ വെബ്​സൈറ്റ്​ വഴി സമർപ്പിക്കാനുള്ള അവസരവും നൽകും. ഇതുകൂടി പരിഗണിച്ചായിരിക്കും സംസ്ഥാന റാങ്ക്​ പട്ടിക തയാറാക്കുകയെന്ന് അധികൃതർ വ്യക്തമാക്കി. സർക്കാർ മെഡിക്കൽ കോളജുകളിലെ 85 ശതമാനം സീറ്റുകളിലേക്കും സ്വകാര്യ സ്വാശ്രയ കോളജുകളിലെ മുഴുവൻ സീറ്റുകളിലേക്കും സംസ്ഥാന റാങ്ക്​ പട്ടികയിൽ നിന്നായിരിക്കും പ്രവേശനം നൽകുക.