അബുദാബി: അബുദാബിയിൽ നിന്നും മദീനയിലേക്കുള്ള വിമാന സർവീസ് നവംബർ 27 ന് പുനരാരംഭിക്കും. ഇത്തിഹാദ് എയർവേയ്‌സാണ് ഇക്കാര്യം അറിയിച്ചത്. മദീനയിലേക്ക് ആഴ്ചയിൽ 3 സർവീസുകളുണ്ടാകും. വാക്‌സിൻ എടുത്തവർക്ക് ക്വാറന്റീൻ വേണ്ടെന്നും ഇത്തിഹാദ് എയർവേയ്‌സ് വ്യക്തമാക്കി.
ഫൈസർ, അസ്ട്രസെനക, മൊഡേണ എന്നീ വാക്‌സീൻ 2 ഡോസും ജോൺസൺ ആൻഡ് ജോൺസൺ ഒരു ഡോസും എടുത്തവർക്കാണ് യാത്ര ചെയ്യാൻ അനുമതിയുള്ളത്. സിനോഫാം, സിനോവാക് 2 ഡോസ് വീതം എടുത്തവർ 6 മാസത്തിനുശേഷം ബൂസ്റ്റർ ഡോസായി ഫൈസർ, അസ്ട്രസെനക, മൊഡേണ എന്നിവയിൽ ഏതെങ്കിലും വാക്‌സിൻ എടുത്തവർക്കും യാത്ര ചെയ്യാൻ അനുവാദമുണ്ട്.
Post Your Comments