ആര്യൻ തിരിച്ചെത്തുന്നത് വരെ വീട്ടിൽ മധുരം വിളമ്പുകയോ ഉണ്ടാക്കുകയോ ചെയ്യരുത്: പ്രത്യേക പ്രാർത്ഥനയുമായി ഗൗരി ഖാൻ

മുംബൈ : ആഡംബരക്കപ്പൽ മയക്കുമരുന്ന്​ കേസിൽ അറസ്റ്റിലായ ബോളിവുഡ്​ താരം ഷാരൂഖ്​ ഖാന്‍റെ മകൻ ആര്യൻ ഖാന്‍റെ ജാമ്യാപേക്ഷയിൽ നാളെ വാദം കേൾക്കും​. ദീപാവലിക്ക്​ മുമ്പ്​ മകനെ പുറത്തിറക്കാനാകുമെന്നാണ്​ ഷാരൂഖും ഭാര്യ ഗൗരി ഖാനും പ്രതീക്ഷിക്കുന്നത്​. ഒക്​ടോബർ മൂന്നിന്​ നാർകോട്ടിക്​സ്​ കൺട്രോൾ ബ്യൂറോ അറസ്റ്റ്​ ചെയ്​ത ആര്യനെ ആർതർ റോഡ്​ ജയിലിലാണ്​ പാർപ്പിച്ചിരിക്കുന്നത്​.

അതേസമയം, ആര്യന്‍ ഖാൻ അറസ്റ്റിലായതോട് മാതാവ് ​ഗൗരി ഖാൻ കടുത്ത മാനസിക സമ്മർദ്ദത്തിലായിരിക്കുകയാണ് എന്നാണ് റിപ്പോർട്ട്. നവരാത്രി ദിനം മകന്‍റെ മോചനത്തിനായി ഗൗരി പ്രത്യേകം വ്രതമെടുത്തിരുന്നു. അതോടൊപ്പം, ആര്യൻ ജാമ്യത്തിലിറങ്ങി വീട്ടിൽ തിരിച്ചെത്തുന്നത് വരെ വീട്ടിൽ മധുരം വിളമ്പുകയോ ഉണ്ടാക്കുകയോ ചെയ്യരുതെന്ന് ​ ഗൗരി നിർദേശം നൽകിയതായും ദേശീയ മാധ്യമങ്ങൾ റിപ്പോർട്ട്​ ചെയ്​തു.

Read Also  :  ഷെയർ ചാറ്റിലൂടെ പ്രണയം, ഒളിച്ചോടാൻ കുട്ടികളെ ഉപേക്ഷിച്ചു, സഹോദരനിൽ നിന്ന് പതിനായിരം രൂപ തട്ടി, യുവതി പിടിയിൽ

ആര്യൻ അറസ്റ്റിലായത് മുതൽ ​ ​ഗൗരി പ്രാർത്ഥനയിൽ മുഴുകിയിരിക്കുകയാണ്. ദീപാവലിക്ക് മുന്നോടിയായി വ്രതവും അനുഷ്ഠിച്ചിരുന്നു. നിലവിൽ 14 ദിവസത്തെ ജു‍ഡിഷ്യൽ കസ്റ്റഡിയിലാണ് ആര്യൻ ഖാൻ. കസ്റ്റഡി കാലാവധി അവസാനിക്കുന്നതിന് മുൻപ് തന്നെ ജാമ്യം തേടി മകൻ പുറത്തിറങ്ങാനാണ് ​ഗൗരിയുടെ പ്രാർത്ഥന.