ഞാൻ വ്രതത്തിലാണ് അതുകൊണ്ട് ജയ് മാതാ മന്ത്രം കൊണ്ട് തുടങ്ങാം: പ്രിയങ്കയുടെ ജയ്​ മാതാ ദി മന്ത്രം എറ്റുപിടിച്ച് പ്രവർത്തകർ

ലഖ്​നോ: വാരാണസിയില്‍ കിസാന്‍ ന്യായ്​ റാലിക്കിടെ ദുര്‍ഗ ദേവിയുടെ ‘ജയ്​ മാതാ ദി’ മ​ന്ത്രം വിളിച്ച്‌​​ കോണ്‍ഗ്രസ്​ നേതാവ്​ പ്രിയങ്ക ഗാന്ധി. പ്രവര്‍ത്തകരോട്​ ഏറ്റുപറയാനും പ്രിയങ്ക നിര്‍ബന്ധിച്ചു. താന്‍ വ്രതത്തിലാണെന്നും അതുകൊണ്ട് ദേവുസ്​തുതി ചൊല്ലാം എന്നുപറഞ്ഞായിരുന്നു ​പ്രിയങ്ക ജയ്​ മാതാ ദി പ്രാര്‍ഥന ചൊല്ലിയത്.

Also Read:ഉപയോഗിച്ച എണ്ണ വീണ്ടും ഉപയോഗിക്കാറുണ്ടോ?: നിങ്ങളെ കാത്തിരിക്കുന്നത് വലിയ അപകടം

സമരം ചെയ്യുന്ന കര്‍ഷകര്‍ക്ക്​ ഐക്യദാര്‍ഢ്യം പ്രഖ്യാപിച്ചായിരുന്നു കിസാന്‍ ന്യായ്​ റാലി നടന്നത്. ഇതിനിടയിലാണ് പ്രിയങ്കാ ഗാന്ധി സംസ്​കൃതത്തില്‍ ശ്ലോകം ചൊല്ലുകയും ജയ്​ മാതാ ദി മന്ത്രം ജപിക്കുകയും ചെയ്തത്. തുടർന്ന് പ്രവര്‍ത്തകരും മന്ത്രം ഏറ്റുപറയുകയായിരുന്നു. ജയ്​ മാതാ ദി എന്ന വാക്കുകളോടെയാണ്​ പ്രസംഗം അവസാനിപ്പിച്ചതും. കൂടാതെ എല്ലാവര്‍ക്കും ദുര്‍ഗ പൂജ ആശംസകളും പ്രിയങ്കാ ഗാന്ധി നേര്‍ന്നു.

അതേസമയം, സമരത്തിനിടയിൽ കോൺഗ്രസ്‌ രാഷ്ട്രീയം കളിക്കുകയാണെന്ന് വിമർശനം ഉയരുന്നുണ്ട്. കോൺഗ്രസ് അനാവശ്യമായി പ്രശ്നങ്ങൾ സൃഷ്ടിക്കാൻ സമരമേഖലകളിലേക്ക് അതിക്രമിച്ചു കടന്നെന്നും, മനഃപൂർവം പ്രശ്നം സൃഷ്ടിക്കുന്നുവെന്നും സാമൂഹ്യ മാധ്യമങ്ങൾ വിമർശിക്കുന്നു.