മിൽമയുടെ ടാങ്കർ ലോറി തോട്ടിലേക്കു തലകീഴായി മറി‍ഞ്ഞു: 7,900 ലീറ്റർ പാൽ നഷ്ടമായി, 4 ലക്ഷത്തോളം രൂപ നഷ്ടം

കോടഞ്ചേരി: ക്ഷീ​രോ​ൽ​പാ​ദ​ക സ​ഹ​ക​ര​ണ സം​ഘ​ങ്ങ​ളു​ടെ പാ​ൽ ശേ​ഖ​രി​ച്ച്​ പോയ മി​ൽ​മ​യു​ടെ ടാ​ങ്ക​ർ ലോ​റി താ​ഴ്ച​യി​ലേ​ക്കു മ​റി​ഞ്ഞു. ടാ​ങ്ക​റി​ലെ 7,900 ലി​റ്ററോളം പാ​ൽ ഒ​ഴു​കി​പ്പോ​യി. വെ​ള്ളി​യാ​ഴ്ച ഉ​ച്ച 12 ഓടെയാണ് സം​ഭ​വം. ടാങ്കർ ലോറി മൈക്കാവ് കൂടത്തായി റോഡിൽ ഇടലോറ മ‍ൃഗാശുപത്രിക്കു സമീപമുള്ള തോട്ടിലേക്കാണ് തലകീഴായി മറിഞ്ഞത്.

കോ​ട​ഞ്ചേ​രി, ക​ണ്ണോ​ത്ത്, നെ​ല്ലി​പ്പൊ​യി​ൽ, പൂ​ള​വ​ള്ളി, മൈ​ക്കാ​വ് എ​ന്നി​വി​ട​ങ്ങ​ളി​ലെ പാ​ൽ സൊസൈറ്റി​ക​ളി​ൽ ​നി​ന്ന് ശേഖരിച്ച ശേഷം കു​ന്ദ​മം​ഗ​ല​ത്തേ​ക്ക് പോകുമ്പോഴാണ് അ​പ​ക​ടം. ഡ്രൈവർ അത്ഭുതകരമായി രക്ഷപ്പെട്ടു. റോഡിന്റെ സംരക്ഷണ ഭിത്തി തകർന്നതാണ് അപകട കാരണം.

ഒലിച്ച് പോയ 7,900 ലീറ്റർ പാലിന് 4 ലക്ഷത്തോളം രൂപയുടെ നഷ്ടം കണക്കാക്കുന്നു. നിർമാണം നടക്കുന്ന മൈക്കാവ് കൂടത്തായി റോഡിൽ വാഹനഗതാഗതം ദുഷ്കരമായിട്ട് ഏറെ നാളായി. റോഡ് പണി ഇഴഞ്ഞു നീങ്ങുന്നതിൽ നാട്ടുകാർ കടുത്ത അമർഷത്തിലാണ്. റോഡ് നിർമാണത്തിലെ അപാകത മൂലമാണ് അപകടം ഉണ്ടായതെന്ന് നാട്ടുകാർ ആരോപിക്കുന്നു.