കാബൂള്‍: അഫ്ഗാൻ ഭരണം പിടിച്ച താലിബാന് കനത്ത തിരിച്ചടി നല്‍കി ബാങ്കുകളുടെ തകര്‍ച്ച. കടുത്ത സാമ്പത്തിക പ്രതിസന്ധിയാണ് അഫ്ഗാനിസ്ഥാൻ നിലവിൽ നേരിടുന്നത്. താലിബാന്റെ ക്രൂര കൃത്യങ്ങൾ ഭയന്ന് ബാങ്കുകളില്‍ നിന്ന് ജനങ്ങള്‍ കൂട്ടത്തോടെ നിക്ഷേപം പിന്‍വലിക്കുകയാണ്. രാജ്യത്തെ എല്ലാ ബാങ്കുകളില്‍ നിന്നും വലിയ തുകകളാണ് പിന്‍വലിക്കപ്പെടുന്നത്. പണം നിക്ഷേപിക്കാനും ജനങ്ങള്‍ ബാങ്കുകള്‍ തെരഞ്ഞെടുക്കുന്നില്ല. തങ്ങളുടെ നിലനില്‍പ്പ് തന്നെ അപകടത്തിലായെന്ന് രാജ്യത്തെ ഏറ്റവും വലിയ ബാങ്കായ ഇസ്ലാമിക് ബാങ്ക് ഓഫ് അഫ്ഗാനിസ്ഥാന്റെ സിഇഒ സയ്യദ് മൂസ ഖലീം അല്‍-ഫലാഹി പറയുന്നു.
അഫ്ഗാനിസ്ഥാന് തങ്ങളുടെ പഴയ സാമ്പത്തിക സ്രോതസുകളെ ഇനി നല്‍കാനാവില്ലെന്ന് ഐഎംഎഫ് നിലപാട് എടുത്തിരുന്നു. ലോകബാങ്കും അഫ്ഗാനിസ്ഥാനിലെ പദ്ധതികള്‍ക്കുള്ള സാമ്പത്തിക സഹായം നിര്‍ത്തുകയാണെന്നും ഐഎംഎഫ് രേഖമൂലം വ്യക്തമാക്കിയിരുന്നു. രാജ്യത്തെ ഭൂരിഭാഗം ബാങ്കുകളും ഇപ്പോള്‍ പ്രവര്‍ത്തിക്കുന്നില്ല. അവശേഷിക്കുന്നവ ഭാഗികമായ സേവനങ്ങള്‍ മാത്രമാണ് നല്‍കുന്നത്. താലിബാന് തീവ്രവാദികള്‍ ഭരണം പിടിച്ചതോടെ അഫ്ഗാനിസ്ഥാന് സെന്‍ട്രല്‍ ബാങ്കിലെ 9.5 ബില്യണ്‍ ഡോളര്‍ വരുന്ന ആസ്തി അമേരിക്ക മരവിപ്പിച്ചിരുന്നു.
Post Your Comments