ദുബായ് : എക്സ്പോ 2020ക്ക് എത്തുന്ന കുടുംബങ്ങളെ സ്വാഗതം ചെയ്യാന്‍ ദുബായ് രാജ്യാന്തര വിമാനത്താവളത്തിൽ പ്രത്യേക- എമിഗ്രേഷന്‍ കൗണ്ടറുകള്‍ ഒരുക്കി ജി.ഡി.ആര്‍.എഫ്.എ. എക്സ്പോയുടെ ഭാഗ്യചിഹ്നങ്ങളായ ലത്തീഫയും റാഷിദും ചേര്‍ന്ന് കുടുംബങ്ങളെ സ്വീകരിക്കുന്ന പശ്ചാത്തലമൊരുക്കിയാണ് കൗണ്ടറുകള്‍ ഒരുക്കിയിരിക്കുന്നത്.
യത്രക്കാരുടെ സന്തോഷത്തിനാണ് മുഖ്യ പ്രാധാന്യമെന്ന് ജി.ഡി.ആര്‍.എഫ്.എ ദുബൈ മേധാവി ലഫ്റ്റനന്‍റ് ജനറല്‍ മുഹമ്മദ്‌ അഹ്‌മദ്‌ അല്‍ മറി പറഞ്ഞു. മെഗാ ഇവന്‍റിലേക്കുള്ള ദശലക്ഷക്കണക്കിന് യാത്രക്കാരെയും സന്ദര്‍ശകരെയും മികച്ച രീതിയില്‍ സ്വാഗതം ചെയ്യാനുള്ള വകുപ്പിന്റെ സന്നദ്ധതയുടെ ഭാഗമാണ് ഈസംരംഭം.
കഴിഞ്ഞ ദിവസം വിമാനത്താവളം ടെര്‍മിനല്‍ മൂന്നിലാണ് ഇത്തരം പവലിയനുകള്‍ ഒരുക്കി സന്ദര്‍ശകരെ സ്വീകരിച്ചുതുടങ്ങിയിരിക്കുന്നത്. ദുബൈയിലെത്തുന്നത് മുതല്‍ ആഹ്ലാദകരമായ സന്ദര്‍ശന അനുഭൂതി പകരാന്‍ ഈ ഉദ്യമം സഹായിക്കുമെന്നാണ് പ്രതീക്ഷ.
Post Your Comments